Lafaek News–Prezidente Partidu Sosialista de Timor (PST), no eis kolaborador komandu da luta, Avelino Coelho Salar Khosi FF, reafirma laiha ema ida mak harii nasaun Timor Leste, ema bele harii movimentus oi-oin ho nia indikasaun luta ba ukun rasik an.
Avelino Coelho hatoo asuntu ne’e iha salaun Comisaun Nasional Chega CNC balide Dili sábadu (18/12/2021), hafoin sai orador ba Workshop ho Tema Prozesaun dezenvolimentu Nasional Timor Leste haree husi prespetiva kultural hodi prepara kultura no lisan sira,
Ita nia povu ne’ebé sivilizadus ita povu n’ebe iha kultura ida povu ne’ebe iha lisan povu ne’ebé iha ukun tanba ne ema ida la funda,’’ dehan Avelino Coelho.
Hodi dehan, nasaun nia definisaun teóriku mak ema lubun oan ida hela iha fatin ida ko’alia lia kultura ne’ebé mak hanesan, ida ne’e signifika bolu nasaun, se mak harii nasaun? Fundasaun nasaun mak iha étniku 36, makasae, mambae, bunak, naueti Galolen oin-oin mak funda, entaun ema ida fundador ba nasaun ne’e la ejiste polítiku ne’ebé mak ko’alia dehan nia fundador nasaun ne’e obsulurantizmu ka taka ema nia matan hodi rai-henek nasaun ejiste antes kolonializmu Portugés sama rai Timor.
Maun sira dehan ha’u fundadór nasaun, ha’u dehan nasaun ne’e laiha ema ida mak harii, ne’e argumentu akademikus, argumentus teorikus. la’os argumentus polítikus, tanba nasaun ne’e purdefinisaun ho konsiénsia tanba polítiku ne’e aban mutin bairua metan, Aban baku fila meja bairua hamatuk fali, Nasaun definisaun teóriku mak ema lubun oan ida hela hamutuk iha fatin ida ko’alia lia ne’ebe hanesan, kultura ne’ebé mak hanesan, sira ne’e mak bolu nasaun,’’ Salar Khosi FF argumenta.
Nia konsidera, fundadór movimentu ba libertasaun iha, no ida diskute funda movimentu luta ba Ukun An, hanesan Don Boaventura funda funu ikus mai Timor Leste ukun rasik an ne’ebé mai ho konseitu Unidade Nasional mak funda ne’e.
Ha’u respeita ita respeita ita nia maun sira ne’ebé funda movimentu Nasional libertasaun. Ha’u hasai Sapeu hakruk, maibé funda nasaun ita deskute ;ai,’’ Avelino akresenta.
Jornalista : Acacio Pinto
Editor : Agapito de Deus
