Lafaek News–Membru Unidade Patrullamentu Fronteira (UPF), halo pasa revista (Check point) iha Kuartel UPF oin Konsege prende Kareta ida no kaptura joven nain tolu tanba deskonfia liu dalan ilegal iha fronteira entre Timor-Leste ho Indonézia.
Komandante UPF, Superintendente Euclides Belo informa, ohin 09/12/2021 dader tuku 06 UFP kaptura sidadaun nain 3 iha edifisiu Kuarter UPF Batugade nia oin.
Sidadaun Timor oan mane nain tolu ho inisial JL, nain ba objetu sira hanesan farda Grupu Arte Marsiál (GAM) PSHT (Persaudaraan Setia Hati Terate) inklui Sertifikadu husi Suku Cassa-Ainaro ne’ebe hamutuk ho sertifikadu PSHT,” dehan Euclides ba jornalista iha Batugade Bobonaru, Kinta 09/12/2021.
Euclides relata, nain rua seluk ho inisial JS ho JA, husi Suku Becora-Dili ne’ebe fasilita tula autor ne’e ho kareta númeru matríkula A.18.781, marka Avanza kor metan”, haktuir Euclides Belo, iha Kuartel UPF Nu-Badak, Batugade, kinta ne’e.
Nia deklara, evidensia ne’ebe rekolla mak hanesan, farda treinu kalsa no faru PSHT pares 3, buku kesan PSHT 3, sertifikat wasiat 6, piagam 6, buku pedoman 2, sertifikat sumpah 6 iha kareta laran.
Komandante Euclides Belo esplika, joven nain tolu ne’e foti ona sira nia identidade no entrega ona autor sira ne’e hamutuk ho evidenisa ba Komandu PNTL Munisipiu Bobonaro hodi kontinua prosesu identifikasaun no investigasaun.
Jornalistas :Orlando Magno
Editor : Agapito de Deus
