Lafaek News–Vítima inundasaun iha dia 4 de Abril iha suku Manleuana Joana de Jesus deklara sei lakohi vota iha eleisaun ho razaun governu seidauk rezolve uma hirak ne’ebé estragus husi inundasaun.
Defisiénsia fízika Joana de Jesus nu’udar vítima inundasaun ho sentimentu triste tanba akontesimentu inundasaun iha loron 4 fulan Abril mota sobu nia uma no estraga sasán uma laran maibé too agora governu tau matan.
Triste liu tanba mota sobu tiha ami nia uma hanesan ne’e pelumenus estadu tau matan netik mai ami no fo netik kalen ruma ka pregu, besi atu ami hadia fali ami nia uma mai foti de’it dadus más too agora rezultadu laiha ,” dehan Joana ba Jornalista lafaek news iha Manleuana foin lalais ne’e
Vítima inundasaun ne’e dehan, governu iha papel no responsabilidade atu rona povu nia aspirasaun, maibé populasaun sira halerik bei-beik ona ba sira nia hela fatin ne’ebé estragus husi udan boot, maibé too agora vítima sira nia hela fatin seidauk hadia.
boot sira mai foti dadus de’it Pelu-menus governu haruka netik ema mai hadia fali Valeta ne’ebé mota sobu ne’e, valeta ne’e agora sai tiha fali mota no pelumenus suru tiha rai nenek ne’ebe agora butuk hamutuk nee,atu nune’e Tempu udan mota bele Suli tuir nia fatin no bainhira udan boot ne’e ami halai sai tiha,”dehan deficiensia
Joana dehan bainhira iha tempu kampania lider partidu sira ko’alia didiak de’it hodi dehan hadia povu nia moris, maibé agora povo halerik hela nunka atu tau interese ba povu ninia preokupasaun.
Iha tempu kampania ne’e imi mesak ko’alia didiak de’it atu hadia povo nia moris, maibé realidade povu agora terus hela imi la interese, interese ba imi nia an de’it no imi Nia familia de’it bosok ten tempu Kampania ami sei la vota tan ona, tanba imi boot sira Mesak bosok Ten deit,”dehan deficiensia
Iha fatin hanesan delegada suku Manleuana Maria da Conceicao Perreira husu ba ministériu obras publika (MOP) atu bele lori mákina mai hodi suru rai-henek ne’ebe da-daun iha hela mota laran no halo fila-fali valeta atu nune’e bainhira udan bee bele suli tuir nia dalan
Husi parte relevante Sira iha Fulan Outubro Mai halo ona dadus no sukat ona Rai no no hare’e ona Valeta ne’ebe Mak mota sobu no Sira Mai foto maibe too Agora seidauk halo ne’ebe Ami husu ba Sira bele Mai suru tiha Rai henek balun no halo Fila fali Valeta nee ,”dehan Nia
Entretantu total populasaun iha Aldeia Manleuana kuase 150 resin Komunidade sira ne’ebé afeta ba inundasaun 78 no estragus total 10 no ladun estragus hanesan bee lori de’it sasan no uma diak hela hamutuk 68.
Jornalista : Domingas Viana
Editor : Agapito de Deus
