Lafaek News–Komisaun Nasionál Eleisaun (CNE) Munisípiu Lautém Konklui ona edukasaun sívika eleisaun prezidénsia 2022 ba partidua polítikus no eletores sira iha postu administrativu lima munisípiu Lautém
Komisáriu CNE munisípiu Lautém, Olavio da Costa Monteiro, afirma tópiku edukasaun sívika nian maka promove esklaresinentu kona-ba aktu eleitorál no eleisaun ne’ebé rezilente ho covid-19, nune’e konsege kompleta ona edukasaun sívika ba dala-hitu iha munisípiu Lautém.
Ho edukasaun sívika ne’ebé hala’o ona iha fatin- fatin halo ona iha postu administrativu lima iha munisípiu ne’e, ita bele halo ona konkluzaun ho esklaresinentu kona-ba lala’ok eleisaun liu husi edukasaun sívika bele mós fo biban ba eletores sira ne’ebé partisipa iha edukasaun sívika ne’e bele haklaken liu ba sidadaun sira ne’ebé seidauk koinese aktu eleitoral sira nune’e hasa’e taxa partisipasaun eletires sira nian iha periode eleisaun prezidensiál,’’ dehan Olavio ba Jornalista iha CNE Lautem tersa foin lalais.
Komisáriu ne’e hatutan ho edukasaun sívika maka bele fo biban ba eletores sira bele transmite no partilia informasaun sira ba sidadaun sira hotu iha munisípiu Lautém.
Entertantu atividade edukasaun sívika hala’o kedas iha fulan Outubro ho Novembru 2021, partisipa iha atividade ne’e partidu politikus, estudante no sidadaun sira ne’ebé liu ona tinan 17 ba leten, maibé partisipasaun la simu iha atividade edukasaun sívika ne’e.
Jornalista :CE Lautém
Editor : Agapito de Deus
