Lafaek News—Universidade Oriental Timor-Lorosa’e (UNITAL), liu husi fakuldade siensia edukasaun, no departamentu Lingua inglesh, Matematika, Sosiologi, Historia, Biologia, Fisika no Kimika, hala’o serimónia judisium ba dala-IX, no judisista hamutuk nain 87.
Tuir Dekanu fakuldade siensia edukasaun, Gilberto Guteres da Silva hateten, estudante ne’ebé máka durante aprende iha prosesu aprendisajen iha tinan haat no balun tinan lima máka ohin konsege hala’o judisium, tanba ne’e husu ba judisista sira labele rai de’it sisensia ne’ebé aprende maibé tenke hatutan.
“Ohin tuir judisium hamutuk nain 87, ba judisista sira katak, siensia ne’ebé máka ita bo’ot sira hetan iha universidade ida ne’e labele rai de’it iha imi, maibé nafatin hatutan, tanba la’os edukasaun máka transforma mundu, maibé ita ema máka transforma edukasaun ba mundu,” dehan Dekanu fakuldade siensia edukasaun, Gilberto Guteres da Silva, ba Jornalista sira iha salaun UNITAL Bekora, Kinta (25/11/2021).
Iha sorin seluk judisista Abrão Cardozo Amaral hateten, sente orgollu tebes ho valor ne’ebé máka nia hetan, tanba esforsu durante iha prosesu aprendisazen iha tinan lima nia laran lasaugati no hatudu duni rezultadu ne’ebé di’ak.
“Ha’u kontante, ba oin ha’u prontu duni ona atu kompete ba iha kampu de traballu, kualker servisu ne’ebé máka iha ita nia rai doben ida ne’e, no mós iha nasaun vizinu sira,” hateten Abrão.
Enkuantu antes ne’e mós finalista hamutuk nain ualu nulu resin ida husi fakuldade Engenaria, departamentu hitu hanesan enjenaria informatika no komputasaun, konstrusaun sivil, eletroniku, petroleo, geolojia, minas área konsentrasaun, minas ambiental hala’o uluk ona judiusium iha loron kuarta (24/11), iha salaun Unital.
SFLN : Remigia Locatelli
Asisten Editór : Pedro de Almeida
