Lafaeknews-Governu liu husi ministériu Soliedaredade Sosial No Inkluzaun(MSSI) sei hamutuk ho ministériu Saúde(MS) hodi deskute Planu harií ba futuru sei uma ba ema ho defisiénsia mental iha futuru, tanba agora dadauk fatin fatin iha laklubar la sufsiente.
Iha intervista Vise-Ministra Soliedaredade Sosial No Inkluzaun Signi Candrawati verdial, hateten, Planu refere ministériu Soliedaredade Sosial no Inkluzaun(MSSI) hamutuk ho ministériu Saúde(MS) halo ona Planu harií fatin ba ema deho defisiénsia mental ho razaun katak, fatin ne’ebé iha São João de Deus Laklubar, tamba fatin la sufisiente.
“MSSI Hamutuk ho ministériu Saúde(MS) iha Planu ona harií tan fatin ba maluk ne’ebé sofre hela moras defisiénsia mental tamba ne’e MSSI la mesak hamutuk ministériu Saúde(MS) hodi sira mak bele hatene fatin no identifika maibé agora ita hadi’a hela ida iha Laklubar tamba iha ne’eba kama 12 de’it entaun ita presiza halo tan uma iha futuru,”dehan Signi Candrawati Verdial, ba jornalista lafaeknews.com, hafoin entrega nesesidade báziku ba familia kbi’it laek sira iha Tibar, likisa(18/11/2021).
Nia hatutan iha futuru bele halo fatin ne’ebé máka di’ak liu tan hodi bele akumula ema ne’ebé máka infrenta defisiénsia mental maibé liu husi ministériu Saúde mak sei deside fatin atu hari uma.
“Ita seidauk identifika fatin tamba ema ne’ebé moras psikologika mental ne’e ita labele identifika fatin arbiru exemplu labele iha fatin manas tamba serbisu hirak ne’e saúde mak hatene liu MSSI nia serbisu hatene de’it asistensia sosial,”nia hakotu.
Antes ne’e Asosiasaun Defisiénsia Timor-Leste, hato’o ona asuntu ne’e ba primeiru ministru Taur matan Ruak, kona-ba ema defisiénsia mental barak oras ne’e la’o abandona iha kapitál Dili laran,
Enkuantu tuir dadus iha sensus 2015 hatudu katak jeralmente ema ho defisiénsia iha territóriu laran, hamutuk 38.118, husi númeru ne’e, númeru boot liu mak defisiénsia matan por volta 14 mill, tuir defisiénsia tilun ne’ebé rona no labele ko’alia hamutuk 12 mill i tál, tuir tipu defisiénsia tilun ou mobilitáriu 7 mill i tál no númeru ki’ik ne’e defisiénsia psiko sosiál no intelektuál, maibé tratamentu ho ema defisiensia mentál ne’e ki’ik liu kompara ho tipu sira seluk.
Jornalista: Manuel Andrade
Asisten Editór: Egidio Nono
