Lafaek News—Polisia Nasional Timor Leste (PNTL) ho Komisaun Anti Korupsaun (CAC) asinatura akordu entre instituisaun rua hodi hametin kooperasaun hodi prevene konbate no investigasaun krimi korupsaun no kontesktu ne’ebé prejudika Estadu no povo Timor-Leste.
Tuir Komandante Jeral (PNTL) Faustino da Costa, afirma assina akordu ho Komisaun Anti Korupsaun ohin ne’e intensaun kleur ona hodi serbisu halo koperasuan hamutuk hodi prevene anti korupsaun iha Rai laran.
“Akordu ida ohin ne’e atu forma atividade ofisial atividade balun durante ne’e ita boot sira akompana públiku hotu hatene serbisu hamutuk la’o hela tantu polisia nasional no komisaun anti korupsaun,” dehan Komandante jeral PNTL Faustino da Costa ba Jornalista sira iha salaun sentru formasaun polisia Akademi Comoro Kuarta (17/11/2021).
Nia haktuir PNTL ho KAK assina akordu ida ohin ne’e atu serbisu hamutuk hodi formaliza ba atividade sira ne’ebé durante ne’e halo iha rai laran, hodi hare’e komete sira husi ema tantu instituisaun.
“Intensaun oinsa para atu bele dezenvolve instituisaun rua ne’e sai di’ak liu tan serbisu hamutuk atu nune’e bele prevene buat ida ne’ebe katak korupsaun ne’e buat ne’ebé aktu aat ida buat ne’ebé implika ba ita nia povo komunidade ninia moris no mós afeita ba dezenvolvimentu tanba ne’e ha’u hanoin akordu ninia objetivu ida nee,” niia Esplika.
Iha fatin hanesan komisariu Komisaun Anti Korupsaun (KAK), Sergio Hornai, afirma, objetivu prinsipal husi asina akordu ida ne’e atu hatudu tan dehan katak instituisaun rua iha koperasaun ida ne’ebé metin no oinsa mak atu bele kombate kriminalidade iha rai laran.
“Hanesan ita bo’ot sira hatene liu-liu ba iha abuzu de poderes, ba iha krimi pekulatu, krimi partisipasaun ekonomiku, no mós ba iha modus aprende krimi sira seluk ba iha droga no mós ba iha trafiku humanu ninian,” dehan Komisariu KAK.
Nia hatete, konsolidasaun instituisaun rua ne’e Importante agora kestaun pratika ne’ebé mak halo husi ajente tantu iha PNTL hanesan mós instituisaun publikus estadu ninian iha responsabilidade kriminal ne’e rekai ba iha responsabilidade ida-idak ninian.
“Ita nia kodigu penal hateten katak responsabilidade kriminal ne’e labele substitui ba ema seluk, se nia mak halo entaun nia tenki responsabilidade kriminal ida ne’e nian,” nia imforma.
Jornalista : Joni Mau Risa.
Asisten Editór : Pedro de Almeida
