Lafaek News–Prezidente komisaun b trata asuntu seguransa no defeza, José Agustinho Siqueira Somotxo, husu komandante jerál PNTL, Faustino da Costa atu responde lalais PNTL eskuadra postu Zumalai munisípiu Kovalima, iha ne’ebé empresta fali komunidade sira nia kareta hodi hala’o atuasaun urjénsia.
Somotxo hatoo asuntu ne’e relasiona notísia ho titulu “PNTL Zumalai Empresta komunidade nia kareta hodi halo atusaun urjénsia, ne’ebé publika husi media lafaek news iha ámbitu selebrasaun loron matebian foin liuba.
Komandu presiza prepara kondisoens hanesan transporte komunikasaun nune’e bele halo atendimentu ba situasaun hirak ne’e, maibé asuntu ohin ne’e situasaun jeral la’os Zumalai de’it tanba ne’e komisaun B nafatin Ezize atu kria kondisaun ba ita nia seguransa no Defeza,” dehan Prezidente Komisaun B Somoxo ba jornalista iha areadores Parlamentu Nasional Dili, Segunda 08/11/2021.
Somotxo argumenta preokupasaun Eskuadra Zumalai nian, kona-ba transporte, hanesa mos Komisaun B, Komandu Jeral no mos Ministeriu Interior nia preokupasaun, tanba transporte ho komunikasaun mak importante ba seguransa no defeza.
Ami sei halo oinsa PNTL husi munisipiu too eskuadra bele hetan Transporte tanba importante ba seguransa sira mak tansporte ho komunikasaun, Se ida nee la iha entaun ita sei iha nesesidade orjensia empresta komunidade nia kareta hodi atende situasaun Orjensia,” Somoxo relata.
Deputadu ne’e dehan, iha eskuadra hotu-hotu laiha kareta no mos fatin risku, ne’e la hatene tan problema mosu iha fatin-fatin la’os permanente iha Zumalai de’it, hanesan uluk iha Baukau Gariwai problema para tiha ona tinan lubuk, maibe agora akontese fali ona problema krime.
Klasifikasaun ba fatin risku ka fatin permanente konfrontu nee ita la bele klasifika tanba problema konfrontu iha Timor, akontese iha fatin-fatin, maibé komandu tenke prepara kondisoen ba komandu PNTL iha munisipiu inklui eskuadra sira,” Somotxo sujere.
Iha sorin seluk, Komandante Jerál Polísia Nasionál Timor-Leste (PNTL), Komisáriu Faustino da Costa esplika, iha nia parte sei haruka ekipa ida ba halo investigasaun hafoin bele responde eskuadra Zumalai nia preokupasaun.
Ha’u sei Haruka ekipa sira ba investiga didi’ak saida mak halo aat kareta no mos tanba saida mak akontesimentu nee akontese? Tan nee Depende husi ekipa neebe sei ba halo investiga sera ke ida ne’e ezijensia humana ka tanba fator natureza tan ne’e ha’u hein rezultadu husi ekipa ne’ebe sei ba halo investiga,” Faustino deklara
KOMJER Faustino esplika, Prosesu atu halo manutensaun mos hanesan de’it, tanba sei hato’o proposta ba komandante sira iha diresaun administrasaun, aprova mak foin bele halo manutensaun, tanba nee Faustino ezize komandante sira iha karaik atu responsabilidade ba atribuisaun transporte.
Ita lalika hakarak hotu-hotu iha kareta tanba ida ne’e situasaun ida, ejize ema seluk atu responsabiliza, maibé ita mos tenke husu ba ita nia aan katak ita iha responsabilidade ka lae? tanba iha munisípiu, kada seksaun kareta iha, no mos bainhira eskuadra ida laiha kareta husu ba eskuadra no seksaun seluk hodi apoiu malu,” Faustino Hakotu.
Jornalista :Orlando Magno
Editór : Agapito de Deus
