Lafaek News–Timor Leste selebra loron nasional feto ba dala 46, partispasaun feto husi suku no aldeia sira iha area remotas menus no la hateme informasaun.
Ministra Solidariedade Sosial no Inkluzaun, Armanda Berta dos Santos sujere, loron Nasional feto nian labele selebra de’it iha ministeriu ida-idak, maibé presiza selebra iha fatin públiku atu ema hotu bele partisipa iha selebrasaun loron nasional feto, atu nune’e feto Timor oan hotu sente loron ne’e espesial duni ba sira.
Vise Primeiru Ministu no Ministériu Solidariedade Sosial Inkluzaun (MSSI), Armanda Berta hatoo lia hirak ne’e liu husi ninia diskursu, bainhira MSSI halo selebrasaun loron nasionál feto nian ba dala 46, iha salaun MSSI Kaikolia Dili, segunda 08/11/2021.
Ita bele dehan ba feto sira hotu tenke pasiénsia hodi rona ema ko’alia maibé tenke brani foti desizaun ba buat ne’ebé loos, fiar katak heroi feto sira nia mate iha luta nia laran nee ita bele hatutan istoria ba jerasaun foun,” dehan VPM no MSSI Armanda Berta.
Berta argumenta tenke fo oportunidade ne’ebé hanesan ba feto sira iha area hotu-hotu nune’e feto sira labele hetan deskriminasaun iha area oi-oin.
Iha selebrasaun loron nasional feto nian ha’u hato’o ba entidade sira hotu atu hapara desvaloriza ezistensia feto nian tan la iha feto la iha mos mane tan Feto mos nudar parseiru estrateziku ida tantu husi uma laran, ekokomi kultura no mos seluk tan,” nia deklara.
Governante ne’e esplika, Governu Timor Leste konsidera lei direitu atu promove direitu feto nian tan feto sei iha limitasaun ba atividade sira.
Mane de’it la halo buat ida, feto deit mos la halo buat ida maibe feto ho mane hamutuk mak bele halo buat hotu no buat hotu sei sai kompletu,” nia deklara.
Jornalista : Orlando Magno
Editor : Agapito de Deus
