Lafaek News–Ministru Asuntus Parlamentares no Komunikasaun Sosiál (MAPKOMS) Fransisco Martins da Costa Jerónimo ohin segunda (09/11), hasoru malu ho Primeiru Ministru Taur Matan Ruak hodi ko’alia kona-ba futuru instalasaun Parlamentu Nasionál iha Timor-Leste, ne’ebé tuir planu sei harii iha Kaikoli Dili.
Sua exelensia Primeiru Ministru informa mai ha’u katak surat ofisiál to’o ona ohin iha Primeiru Ministru nia gabinete i Primeiru Ministru sei halo despaixu atu nune’e fó fali ba ministru justisa hodi haree prosesu tuir mai halo nusa mak realiza pedidu ne’ebé Parlamentu Nasionál hato’o mai iha governu,” dehan MAPKOMS Fransisco Jerónimo hafoin remata enkontru ho PM iha Rezidénsia PM Faról Dili, segunda (09/11/21).
Governate ne’e akresenta, tuir pedidu ne’e mak mai, sira husu rai iha Kaikoli, Ministériu Justisa nia oin, hodi husu atu sai ba futuru instalasaun Parlamentu Nasionál.
Ami rua halo diskusaun Primeiru Ministru informa katak oras ne’e pedidu mai ona maibé tenke tuir nia regra haruka fila ba Ministru Justisa hodi haree nia prosesu sira tuir mai,” informa MAPKOMS Fransisco Jerónimo.
Enkuantu medidas rai por volta 8 ou 9 hektares maibé depende ba hira mak atu atribui no ida ne’e kompeténsia ministru justisa nian.
Jornalista : Juvita dos Santos
Editor : Agapito de Deus
