Lafaek News–Timor-oan gosta konsumu Budu-Tasi, iha konteúdu nutrisaun no minerál ne’ebé aas hahú husi kálsiu, ferru, iodu, proteína, vitamina, fibra no fóliku ho ásidu.
Iha observasaun katak Timor-oan hala’o ona prosesamentu hanesan sofa budu tasi, salada pepinu ho budu tasi, ai-manas ho budu tasi, sobremeza ho budu tasi, no seluk tan hodi konsumu tantu iha uma-kain, hotel, restaurante no eventu boot sira.
Tanba ne’e, konsumu Budu Tasi mós sei kontribui ba moris-ida saudavel ba ema ida-idak nia saude ne’ebe rezulta nutrisaun kualiade.
Organizasaun Noun-Governamental (NGO) Fundef ho benefisiáriu iha Suku Ulmera, munisipiu Likisa hakiak ona Budu Tasi ho tipu koloridu rua modok no mutin, no rezultadu hahú kolleita ona no fa’an iha merkadu lokál.
Hakarak sosa Budu Tasi, la presiza bá dook, favór kontaktu ONG FUNDEF ka vizita produtór Budu Tasi iha Suku Ulmera, Programa ne’e realiza tanba hetan finansiamentu husi Fundu Gabinete de Apoiu Sociedade Sivil.
Mídia : GASC-GPM
Editor : Agapito de Deus
