Lafaek News–Eis Padre Martinho Gusmão, tenta hela partidu CNRT, PD ho PUDD hodi apoiu nia kandidatura iha eleisaun prezidente repúblika 2022.
Eis Nai-lulik ne’e hatoo asuntu ne’e hafoin partisipa iha misa ordenasaun Padre João Guterres no Padre Francisco Indra do Nascimento Tey Seran, kinta (28/10/2021), iha parokia Zumalai munisipiu Kovalima.
Ha’u ko’alia ona ho sira (CNRT), PD no PUDD hein de’it nia prosesu, agora husi movimentu liu-liu uluk hau nia mahasiswa, sira ne’ebé estuda filozofia no teolojia no eis frater sira, inklui FOSKA no universitariu sira apoiu,’’ dehan Martinho Gusmão.
Martinho nia dehan, nia parte hasoru ona Amo Bispo nain 3, Bispo nain 3 bolu nia hodi klarifika pozisaun kona-ba atu kandidata an ba Prezidente Republika, tanba planu kandidatu ne’e dezde tinan rua ba kotuk.
Planu ida ne’e iha Tina ida ka rua nia laran tanba ema barak mak husu, komponente liuliu joven barak mak husu tan ne’e hau koko atu kandidata ba iha elisaun prezidensial tuir mai ne’e” nia deklara.
Nia esplika kona ba nia parte atu kandata an ba PR ne’e Amo Bapa laiha buat ida tanba Amo Bispu fo ona suspensaun, inklui Amu Papa mos laiha buat ida tanba, Bispo fo ona suspensaun signifika nia (MG) Amo lulik nafatin, más la halo ona knar hanesan agora, misa nafatin, reza nafatin maibé la presiza ba iha altar.
Nia sublina agora sei hein reskritu hosi Amo Bapa, maibe Amo Bapa fo mai ne’e la atrai ba iha kandidatura, maibe Bispo nia karta ne’e loos ona, Iha movimentu rua ka tolu hanesan agora iha partidu sira mos barak mak konsidera nia (Martinho Gusmão) nia naran nudar kandidatu potensiál.
Kontributor : Julio Salinas
Editór : Agapito de Deus
