Lafaek News—Ohin Tersa (26/10/2021), Estudante husi Institutu Superior Cristal (ISC), fakuldade Saúde, departamentu Enfermajen no Parteira halo ezame kompetensia pre-kninika, liu iha ezame ba pratika tenke pontualidade no kumpri regras iha fatin estajiu.
Tuir Reitor ISC Sebastião Pereira informa, husu ba estudante sira ne’ebé dadaun ne’e tuir hela teste bainhira pasa mak halo estajiu tenke pontual no kumpre regra sira iha fatin estajiu.
“Ha’u husu estudante sira atu kumpri regulamentu no prosedimentu ne’ebé institutu oferese bainhira halao estajiu, nune’e mós estudante sira tenke pontual disiplina hodi kumpri regra ne’ebé parte ministeriu Saúde nian iha tiha ona,”dehan Reitor ISC Sebastião ba jornalista Iha Cristal, Balide Dili, tersa 26/10/2021.
Sebastião afirma, Ezame kompetensia pre-kninika ida ne’e atu aumenta estudante sira nia koñesimentu bainhira sira tun ba estajiu pratika iha sentru saúde sira no hospital Nasional Guido Valadares.
“Antes estudante sira tun ba halo estajiu pratika sei halo text pre-klinika liu husi text eskrita no mós pratika depois mak observador sira haree estudante ne’ebé pasa mak bele kontinua halo estajiu pratika iha hospital ne’ebé ami prepara ona ba sira,” nia esplika.
Reitór ne’e deklara, estudante Sira ne’ebé la pasa iha ezame pre-klinika ida ne’e ISC sei haruka sira tuir tan exame dala ida karik dala rua mós nafatin laliu iha eszame entaun instituisaun deside estudante ne’e tuir fali ezame iha tinan oin.
Iha fatin hanesan, estudante husi Departamentu Enfermajen, Joni Sarmento esplika, liu husi ezame pre-klinika ida ne’e bele hasa’e sira nia konhesimentu di’ak liu tan atu sai estudante ne’ebé profesionál iha área saúde nian.
“Ami mós bele ona sai kanidatu ba enfermeiru hodi tun direita iha terenu implenta sa mak ami aprende iha kampuz ISC, liu liu iha laboratorium ne’e maximu tebes no ami mós aprende konaba oinsa atu sai enfermeiru ne’ebé halo atendimentu diak ba pasiente sira,” Joni deklara.
Entretantu tuir dadus ne’ebé lafaeknews asesu, estudante husi departamentu Enfermajen hamutuk 253 parteira 57 sira ne’e liu iha ezame pre-klinika entaun tempu badak estudante sira ne’e bele halao ona estajiu pratika iha fatin ne’ebé eskola prepara ona ba sira.
Jornalista : Orlando Magno
Asisten Editór : Pedro de Almeida
