Horta Sujere Governu Tau Atensaun Ba Setór Agrikultura Rai-Laran

Lafaek News–Premeadu Nobel ba Paz, no eis Prezidente Repúblika (II), José Ramos Horta, husu oitavu governu konstitusional lideradu Jeneral Taur Matan Ruak atu tau atensaun ba asuntu agrikultura ne’ebé boot liu setór hotu-hotu iha rai laran.

Governu presiza foti agrikultura nu’udar kestaun ida nasaun sekurity halo parte iha ita nia politika no dutrina iha seguransa nasional tan nee governu tenke garantia 100% autonomia alimentar, agrikultura no autonomia ne’ebé liga ho nutrisaun,” dehan Horta hafoin partisipa ihar seminariu iha Institutu Superior Kristal iha Kristal Balide Dili, Kinta (21/10/2021).

Iha fatin hanesan, Prezidente Institutu Superior Kristal (ISC) – Fundasaun Kristal (FC), Agustino Goncalvel, sente kontente no apresia ho prezensa Eis Prezidente RDTL, José Ramos Horta nian ne’ebe sai orador dahuluk iha ISC.

Ha’u sente kontente no Agradese ba Eis Prezidente José Ramos Horta nia prezensa ohin loron, tanba primeiru vez nia hakat mai iha institutu Superior Kristal-Fundasaun Kristal, maibé ami loke dalan ba lider sira hotu atu fahe ninia matenek ba estudante sira iha Eskola ida ne’e,” dehan Prezidente Agustino.

Prezidente ISC-FC Agustino Gonsalvel informa, Objetivu husi seminariu nee hree liu ba tempu agora nee mundu tomak hasoru hela pandemia global tqn nee sira (ISC) konvida eis prezidente Jose Ramos Horta atu fahe ninia esperiensia ba estudante sira konaba asuntu refere atu estudante sira bele hatene klean.

Ami konvida ita nia eis titular Dr. Ramos Horta atu partilla informasaun ba estudante sira iha fakuldade Edukasaun ho Fakuldade Saude no mos ba corpu Dosente sira hotu konaba tema Importansia Politika Edukasaun No Saude Iha Pandemia No Izolamentu Sosial,” Agustino Esplika.

Nia afirma, Kurikulum neebe sira iha sei tau hanesan adisional neebe halo estudante hotu hotu tenke iha formasaun neebe bele hetan lalais kampu servisu iha sira nia profisaun rasik.

Tuir planu ISC sei halo peskiza atu estudante sira bele asesu servisu iha nasaun seluk hanesan Korea, Austrália no nasaun seluk. karik estudante ida area espesifiku ruma hanesan estudante ne;e iha skill no hatene lian Ingles entaun nia iha opportunidade atu ba servisu iha rai liur, Fundador ISC Agustino deklara.