Lafaek news–Sekretaria Estadu Igualidade no Inkluzaun (SEII), tersa (19/10/2021), hala’o sensibilizaun violénsia hasoru feto no labarik iha estudantes eskola 5 de Maiu hodi hasa’e konesimentu kona-ba violénsia hasoru labarik feto sira iha sosiedade.
Objetivu sensibilizasaun ne’e atu hasa’e labarik sira nia konesimentu liliu kona-ba sira nia direitu nomos iha ne’e fahe informasaun konaba violénsia hasoru labarik, violensia hasoru feto” hateten Abilio Barreto ba jornalista sira iha eskola 5 de Maiu Bekora tersa (19/10/2021).
Konsultus Nasionál Programa inisiativa Spotlight SEII ne’e, afirma númeru persentajen bazeia ba jéneru tuir dadus demokrasia halo survei iha porsentu 38, tan ne’e presiza sensibilizasaun violensia hasoru feto no labarik feto ba estudantes sira atu bele hasa’e konesimentu kleuan liutan.
Ezistesia Sekretariu igualdade no inkluzaun hare’e hahu husi inisiu katak numeru persentazen bazeia ba jéneru tuir dadus Demokrasia halo survei (DHS) hateten katak iha 38 Pursentu ne’e dadus hahu husi 2011 mai to 2016,”katak nia
Tipu violénsia rua mak barak liu, ida maka violensia sexual no ida seluk maka violensia fiziku ne’ebe akontese iha familia inklui iha Sosiedade no komunidade sira, barak liu kompara ho tipu violensia ekonomia no violensia psikolozia.
Abilio Bareto informa, ho esforsu entidades hotu polítika nasionál planu asaun nasionál violénsia bazea ba jéneru ne’e esforsu husi entidades sira hotu husi governu ne’ebe implementa polítika ne’e, inklui sosiedade sivil nune’e bele redus ona númeru porsentu 38 tun ba 30 Pursentu husi 2016 too agora.
Abilio Barreto hateten mekanizme atu rezolve violénsia hasoru ne’e maka implementasaun planu assaun nasionál violénsia bazeia ba jéneru ne’e fo knar fo kompentisia ba ministériu ida idak atu asume sira nia responsabilidade, oinsá bele reduz númeru violénsia hasoru ba jéneru ne’e rasik.
Iha fatin hanesan Komisaun Direitus Labarik Komisaria CDC Dinorah Granadeiro hateten, sensibilizasaun ne’e atu hasa’e labarik sira nia konesimentu sira nia direitu, no fahe informasaun kona-ba violénsia hasoru feto no labarik feto, presiza eleva sira nia konesimentu, saida mak traballu infantil, tanba hare’e labarik barak iha Timor, liu liu estudante sira kuaze laiha konesimentu kona-ba sira nia direitu.
Oinsá maka atu dezenvolve sira nia an iha nasaun ida ne’e, maske ita nia estadu garantia Labarik sira nia Partisipasaun Sira Nia dezenvolvimentu iha estadu ida ne’e, tanba ne’e maka hanesan komisaun ami iha obrigasaun atu hatutan informasaun ne’e ba iha labarik sira atu bele sira hatene sira nia direitu rasik”katak nia
Iha fatin hanesan Adjunta Diretora Eskola 5 de Maiu, Maria dos Santos hateten sensibilizasaun konvensaun direitu feto no labarik feto importante tebes ba eskola, liu liu ba estudante sira atu hatene oinsá direitu labarik nian.
Ida ne’e importante ba ami nia eskola liu-liu ba labarik ami nia estudante sira, tanba futuru nasaun ne’e baibain ita dehan labarik estudante sira nia liman, oinsá ita atu prepara sira atu hatene hanesan direitu labarik nian maka hanesan ne’ebe?, ho formasaun ne’e sira bele hatene hatutan informasaun no respeita sira nia manorin sira inklui familia bele hatene respeita bele fo kontribui hadiak ba sira nia vida kontribui ba ita nia rain,” Adjuntu diretora 5 de Maiu ne’e hakotu.
Jornalista : Azelio da Cruz
Editór : Agapito de Deus
