Lafaek News- Xefe Gabinete kontrolu Kuantidade Komunikasaun Sosial, Sara Maria F. Xavier, afirma, Hospital Nasionál Guidu Valadares (HNGV) kontinua halo screening massal ho Polymerase chain Reactioo (PCR) ba pasiente sira atu baixa iha HNGV ho nia familia ne’ebé vizita atu bele kontorla virus labele transmite ba pasiente seluk no pesoál saude.
Sim ita nafatin halo, ativa triajen hodi halo screening massal ba ita nia pasiente sira ne’ebé tama mai iha HNGV, tanba ita lakoi atu hetan transmisaun ba pesosál sira no mós ba pasiente sira seluk, entaun pasiente sira ne’ebé atu mai baixa, atu mai konsluta iha policlinik ne’ebé prense kriteria ba swab nian, mas PCR teste ne’e ita tenke halo atu nune’e labele fó transmisaun ba pasiente no pesoál Saude sira, ” dehan Sara ba jornalista sira iha HNGV, tersa (12/10/2021)
Nia hatete, Maske virus ne’e nia numeru tun ona maibé HNGV kontinua ativa Screening Massal ho Polymerase chain Reaction ( PCR ) teste. HNGV mós halo ona modefika ba formatu triajen inklu ninia estatus vasina.
Formatu triajen foun ne’e, atu bele hatene ema ne ebé afeitadu ona Covid-19 ka lae? no prena baixa iha ne’ebé, atu nune’e ita bele hetan data ne’ebé validu no ita bele fo informasau, formasaun no edukasaun ba pasiente sira ne’ebé mai iha ne’e, “nia esplika.
Nia hatutan, HNGV nia prosedementu kontinua nafatin halo Screening Massal ho PCR teste, to’o tempu halo evaluasaun mak la presica atu halo Screening Massal ho PCR teste, mas agora ne’e HNGV halo nafatin triajen iha emrejensia.
Nia informa tan, Depois de komfinamentu obrigatóriu no serka sanitária movimentu iha HNGV makaas fali ona, tanba ne’e husu ba ema hotu atu kumpri nafatin regras sira ne’ebé HNGV tau hela iha resintu ospitál nian, pasiente ida ho familia ida mak akompañia, bele troka malu, la autoriza labarik ki’ik-oan sira menus husi tinan 12 mai iha ospital tanba risku tebes hetan transmisaun no infeksaun iha HNGV.
Pasiente sira ne’ebé transferensia husi munisipu husu favor ida, familia na’in ida ka rua mak atu akompaña pasiente, labele mai bara-barak, depois mai to’o tia iha HNGV ita haruka sira atu fila ba uma, razaun dehan familia laiha, entaun ida ne’e mós sai problema ida, tanba laiha espasu, enterope movimentu no iha parte prevensaun ba virus covid-19 ita labele asegura diak tanba ema barak no familia barak,” Nia Rekomenda.
Jornalista : Sandi Belo
Editór : Agapito de Deus
