Lafaek News–Dekanu Fakuldade Siénsia Sosiál Universidade Nasionál Timor Loro sa’e (UNTL), Camilo Ximenes, konsidera partidu polítiku dala barak utiliza sala osan subensaun públiku (SP), tanba estadu fo osan atu halo rekrutamentu polítika, edukasaun polítika no sosializasun polítika, maibé la’os uza osan SP hodi halo dezenvolvimentu.
Dekanu hatete, partidu sira ne’ebe eziste no simu ona osan subensaun, tui-tuir malu no eziste nafatin, la’os hanesan partidu seluk tinan ne’e hetan kadeira maioria partidu ida, maibé haree nafatin ba tinan lima ne’ebe mai kadeira laiha tiha, tanb la hala’o funsaun ho lolos, no la utiliza orsamentu hirak ne’e estadu fo ba sira, no osan subensaun ne’e la’os atu uza ba dezenvolimentu se posibilidade partidu nia ema iha parlamentu hodi fiskaliza saida maka povu infrenta.
Partidu sira la halo nia funsaun ho lolos, dala barak partidu polítkus sira utiliza sala osan sira ne’ebe estadu fo ne’e parese nia objetivu maka halo rekrutamentu polítika, edukasaun polítika no sosializasaun polítika,’’dehan Dekanu Faspol UNTL ba lafaek news iha nia kanaar fatin, tersa (11/10/2021
Camillo, hatete partidu polítiku sira ne’ebe estabelese iha nasaun Timor Leste, iha ne’ebe estadu fo osan subensaun, maibé la haree ba programa no atividade partidu nian abandona uza osan hodi halo fali objetivu seluk ne’ebé la kompetivel ho misaun no vizaun partidu nian.
Klaru katak orsamentu subensaun públiku ita nia estadu fo ba partidu polítiku sira, tanba ita hatene katak nasaun Timor Leste ne’e hanesan nasaun foun ida ne’ebe maka iha para labele hamate espíritu demokrasia,”Atu la’o diak fila ba maneira partidu polítiku sira, fo tiha osan subensaun ba partidu sira se maka atu sensibilizasaun ba atividade partidu polítikus, pur ezemplu halo sosiallizasaun ida ne’e tebes duni sira hala’o ida ka la’e, Ha’u la hatene ita bot sira haree ka la’e, tanba dala barak ha’u la’o haleu territoriu tomak katak bandeira partidu dada hela iha estrada boot ida, maibe ninia sede laiha, bandeira balun dada duni nakles ona, buat sira ne’e tanba funsionamentu partidu nian ladun la’o,” nia informa.
Camillo husu ba parte estadu tenki tau kestaun kuandu partidu ne’ebe hetan ona subensaun husi estadu primeiru tenke harii sede partidu ne’e iha ne’ebé tantu iha nivel nasionál, rejional no lokal, maibé partidu balun hasa’e bandeira iha uma leten no uma la’os sede partidu, tuir loloos tenke hadia buat sira ne’e.
Prinsipiu idiolojia partidu ida nian hanoin presiza haree nune’e subensaun ne’ebe fo ba partidu ne’e bele utiliza ho di’ak tuir regulamantu prosedimentu instituisaun ida independente hanesan CNE kria,’’ subliña Nia.
Partidu sira ne’ebé nia asentu parlamentares barak liu, nia hetan subensaun osan boot liu kompara ho partidu kiik sira agora sira ne’e uza duni ba nesesidade povu nian ka lae karik osan sira bele utiliza sala karik se osan ne’e estadu nian presiza kontrola halo didi’ak atu nune’e partidu sira nia ezistensia ne’e hala’o tuir funsionamentu partidu nian lolos.
Hanesan orgaun CNE tenke ser iha lei ruma ne’ebe tenke kria labele dehan lei maka laiha nee hau hanoin argumentu deit hodi defnede an, sela sira bele utiliza sala osan sumbmensaun nebe estadu fo, Ha’u la haree situasaun sira hanesan ne’e, ha’u la hatene sera subensaun ne’ebé estadu fo ne’e atu utiliza ba diak ne’e, ba hau di’ak liu hare’e ba funsionamentu partidu nian nusa maka ita la halo sede partidu ida, hanesan ami estuda mapamentu ne’e partidu ne’e manan iha ne’ebé postu-administrativu no munisipiu ne’ebe labele rekoilla de’it kartaun eleitoral pois lakon hotu, tanba la halo rekejitus ne’ebe rigorozu,’’ Camilo fo hanoin.
Tuir lolos partidu ne’ebe iha ona progresu bele habelar tan, hanesan hatete katak partidu balun utiliza ba dada bee mos ba komunidade no fahe fahi no manu, ita presija regras ida ne’e maibe hau hanoin katak regras sira ne’e sala karik, Tuir lolos atu suporta no funsionamentu partidu nian.
Dekano FCS hato’o mansajen ikus kona ba partidus polítiku katak uza osan subensaun atu hadia no halo funsionamentu partidu hanesan CNRT ho FRETILIN, tuir nia hanoin partidu polítiku sira ne’ebe transforma sosiedade ida ne’e, tanba ne’e maka mai ho objetvu konsiénsia onestiadade no tenke banati no kumpri, se lei maka laiha no fo dalan kontinua husu,” akademista ne’e hakotu lia.
Jornalista : Pedro de Almeida/Tome Exposto
Editór : Agapito de Deus
