Lafaek News–Taxista Isidouro Lopez, husu governu liu husi Ministériu Transporte Komunikasaun (MTK) atu hadia sistema Movimentasaun Transporte Públiku iha sidade Dili hodi bele fo biban ba karetat taxi hetan pasajeirus.
Ha’uhakarak atu rekomenda deit ba ministerio transporte komunikasaun (MTK) katak Favor ida tau matan netik ba sira ne,ebe takxista sira tanba defisil tebes ba sira atu hetan osan iha situasaun ida agora,” dehan taxista Isidouro Lopez ba Lafaek news iha Fatu-hada, segunda (05/10/2021).
Taxista ne’e lamenta, iha situasaun Konfinamentu obrigatoriu durante ne’e, taxi barak lakon rendimentu tanba governu bandu ema la la’o ba Mai iha Dili laran, kareta hotu paradu, no ohin situasaun di’ak fali ona, Ministériu Transporte Telekomunikasaun (MTK), tenke regula ona sirkulasaun kareta iha sidade Dili atu labele taka dalan ba taxi sira nia movimentasaun.
Lor-loron ha’u halai taxi, maibé hetan la barak tanba ho situasaun pandemi Covid19, Diak ida ha’u halai dader tuku 7 to fali kalan tuku 7 hetan dolar 10, maibé dolar $ 10 ne’e ha’u sei enxe tan mina no restu sosa modo lori ba uma no sosa mina, atu lori ba estor, maibé osan la to’o, tanba ho situasaun ida hanesan ne’e defisil tebes atu hetan osan, pasazeirus laiha,” Nia afirma.
Nia hatutan katak uluk situasaun normal seidauk tama ba Covid-19, loron ida bele hetan $ 40 too 50, sente di’ak bele enxe mina dolar 10, estor dolar 10, no restu nia uza sosa foos no bele haruka ba fen ho oan iha Vikeke, maibé agora rendimentu ne’ebe nia hetan Kiik liu kompara ho ida uluk.
Ha’u halai taxi komesa tinan 2010 mai to agora,uluk ha’u halai rasik ha’u nia taxi maibe ha’u nia taxi aat tiona ne,ebe ha’u halai deit ha’u nia maun nia taxi ne mak ha’u setor fali ba ha’u nia maun,se karik sorti diak ha’u hetan dolar 15$ hanesan ne,e ha’u setor dolar 5$ no dolar 5$ hense mina no restu ha’u nia hodi sosa ba modo no seluk tan,se karik ha’u sente isin kolen entaun ha’u sosa 50 Centavos ba kotak atu han tahan netik ba kabun hodi bele deskansa netik iha tempu kalan”,katak ainaru oan ne,e ba jornalista lafaek news.
Taxista ne’e haktuir difikuldade ne’ebe lor-loron hasoru mak hanesan kareta boot (fuxo) ne’ebe tula kontiner, kuandu halai uluk entaun taka dalan ba taxi atu halai uluk Tula pasajeirus, se bele governu hapara kontentor hirak husik sirkula iha tempu kalan.
Husu MTK atu bandu ona kareta kontentor, tanba sira halai taka dalan mai ami, halo demora ba ida ne’e, to fali kalan ami hetan de’it pasazeirus ida ka rua hanesan ne’e, se la’e laiha liu halo ha’u la hetan osan atu selu ba kos no haruka ba ha’u nia kaben oan iha vikeke,”tenik nia
Estajiária : Libania Matos/Juvita Ximenes
Editór : Agapito de Deus
