Lafaek News—Diretor Ezekutivu Forum Organizasaun Naun Governamental Timor Leste (FONGTIL) Daniel Carmo dos Santos, husu governu partisipa masimu iha kampania vasinasaun ba komunidade sira liu husi sosializasaun hodi garante komunidade hotu bele hetan vasina.
“Ha’u nia hanoin membru governu tenke partisipa kampañia vasina ne’e importante atu garante partisipasaun komunidade ba vasina, mais atu husik hela serbisu iha ministériu ida, ne’e laos ministru máka halo serbisu hotu-hotu, ministru ne’e halo ordem no desizaun kontrola, entaun iha ne’eba diretor jeral, diretor nasional, sefi departemnetu no staf sira máka tenki halo serbisu,” dehan Daniel dos Santos Carmo ba Jornalista Sira iha FONGTIL, Segunda ( 4/10/2021).
Diretor hatutan, membru husi ministériu sira presija partisipa hodi halo sosializasaun ba komunidade sira nune’e garante ba populasaun katak vasinasaun ne’e importante hodi salva imunidade ema ida-idak nia vida husi moras pandemia Covid-19.
“Ita atu tama ba livre, entaun ida máka ita iha imunidade para fó espasu ba governu atu halo serbisu, entaun populasaun tenki partesipa vasina ho konsiensia, agora se ema mak atu halo sira sai konsiensia ne’e máka governante sira,” tenik nia.
Nune’e mós nia relata, kapasidade ministériu atu kontrola ninia funsionariu hosi direktor nasional direktor jeral too sefi departamentu sira hodi halo sira nia serbisu sosializasaun vasinasaun ba komunidade sira iha baze.
Jornalista : Joni Mau Risa
Asisten Editór : Pedro de Almeida
