LafaekNews-Espoza Prezidente da Repúblika (PR) Cidália Nobre Mouzinho Guterres, sujere ba ba governu liuhusi ministériu saúde(MS) atu prepara fasilidade Mamografia, nune’e atende ba  inan feton sira  ne’ebé infetadu moras kankru susun.

Husu ba governu liu husi ministériu saúde(MS) hamutuk ho ospitais sira hare fasilidade sira ne’ebé mak importante kona-ba moras kankru susun nian, tanba ne’e mós tama iha prioridade, tanba moras kankru susun ne’e hamate inan sira, ho mamografia iha, ita nia inan feton no alin feton sira bele hakat ba iha sentru saúde, liu-liu ospitais sira ba halo mamografia hodi hatene sira nia situasaun,” dehan Espoza rezidente da Repúblika(PR) Cidália Nobre Mouzinho Guterres, iha, Rede feto, Kaikoli (28/09/2021).

Espoza PR ne’e mós Sujere, Presiza halo sosializasaun makaas liu, tanba moras ne’e antes atu halo prevensaun ita na’in rasik mak hakbesik-an ba iha fasilidade hodi ba hato’o ninia situasaun atu halo konsulta para ita nia medíku espesialista sira hodi hare oinsá atu halo atendimentu.

Cidália salienta, Inan feton  sira ne’eb’e infetatu moras kankru, presiza hakbesik-an ba iha sentru saúde sira tanba  moras ne’e iha de’it sira nia isin, no presiza iha apoiu barak mak hanesan halo sosializasaun, apoiu familía nian importante tebes, fasilidade saúde nian liu-liu Mamografia ne’e importante tebes, nune’e, halo prevensaun diak liu do que ita kura, tanba kura ne’e dala ruma iha atuasaun defisíl mosu ita atu hakat ba la ba entaun moras ne’e iha laran avansa nafatin.

Cidália afirma, agora dadauk sira iha fundu hodi halo atendimentu kona-ba oinsá apoiu inan feton sira ne’ebé infetadu moras kankru susun, inan feton sira kuandu hetan moras ida-ne’e bele hakat ba ospital, maibé fasilidade seidauk kompletu entaun doutor sira sei hasai nia sampel hodi haruka ba iha kliníka Cindranita, hodi ba teste iha Indonézia

Ami mós iha fundus ba inan feton sira kuandu hetan moras ida-ne’e bele hakat ba ospital, maibé fasilidade seidauk kompletu entaun doutor sira sei hasai nia sampel hodi haruka ba iha klinika Cindranita pois mak haruka ba iha Indonézia depois husi ne’eba mak haruka fali rezultadu ne’e mai nune’e doutor sira bele halo asaun ou opera oinsá atu haruka sai ba rai li’ur, entaun ami nia fundus ne’e mak $ 300 ital,”tenik nia.

Jornalista      : Sandi Belo

Asiten Editór: Egidio Nono