Lafaek News–faluk Berta Godinho hela iha aldeia Beto Leste, suku Madohi, hamonu matan ben tanba hela fatin la seguru no aihan laiha atu sustenta uma laran.
Ha’u kalan toba sempre hamonu Matan ben tanba laiha rai no hela sementara iha ne’e, oan nain 4 ho bei-oan, uluk kos maibé fulan 3 la selu, vizinhu ajuda selu fali kos, entaun mai hili kalen fruzun hodi hamahan an ho oan bei-oan, maibé rai nain ne’e sempre hamenu Ami ” katak Inan faluk Berta Godinho. ba Lafaek News iha aldeia Beto-Leste, suku Madohi, foin lalais ne’e.
Inan faluk iha oan nain 6, feto hotu, feto boot hola tiha mane, maibé mane ne’e laiha responsabilidade, husik hela bebe ho nia inan ba inan faluk nia liman hodi responsabiliza, maske sukat iis la too, pasiénsia labele husik tanba oan rasik.
Ai uza hodi tein, ami sosa, loron ida sosa dolar 2-4 aproveita ne’e hodi nono bee ba oan feto boot ho nia oan entaun dolar 4 ne’e uza ba loron ida de’it, oan nain rua ne’e hau husik sira no lori ba hela ho nia tiu tanba menus ekonomia,” katak inan faluk
Atividade inan faluk loron-loron iha dader tuku 7, hakat ona ba ema nia uma hodi fase ema nia ropa, fase hotu habai hodi hein too ropa maran estrika halo kaber no entrega kedan ba ropa nain hafoin bele fila ba uma hodi prepara fali hahan beioan nian.
Loron-loron tenke sai iha tuku 7-8 ba fase ema nia ropa hodi bele hetan osan uituan hodi hola hahan ba hau nia oan nain 4 ho be oan tuku 5 fila husi serbisu mak foin nono be hodi oan feto no be oan haris”faluk nee haktuir ho matan ben nakonu
Inan faluk ne’e, husu ba nain ulun sira, nudar feto faluk sente triste tebes tanba hasoru problema ida ne’e, tau matan netik nia familia ida ne’e.
Ha’u presiza loos mak hela fatin atu nune’e ha’u bele hela ho ha’u nia oan sira hela hakmatek no hahan balun,’’ nia hakotu.
Estajiada : Crisencia ferreia
Editor : Agapito de Deus
