Lafaek News—Timor Leste Vision apoiu Nesesidade Bázika ba kbiit laek uma kain 49, iha aldeia Fatumea suku Tibar postu administrativu Bazartete munisipiú Likísa.
Iha intrervista Prezidente Timor Leste Vision, Abel da Costa espresa, ekipa TL Vision halo servisu voluntáriu fo apoiú ba familia ne’ebé enfrenta problema hahán ne’ebé kauza husi propagasaun covid-19 hodi obriga governu aplika kofinamnetu obrigatóriu.
Bainhira ami rona situasaun ida ne’e ami triste, ho servisu voluntáriu ida ne’e ema la fo osan ida ba imi , ema la selu ami ida ami halo sosializasaun ne’e ami nia hakarak rasik no tuir kbiit ne’ebé ami oraganizasaun TL Vision iha,”hateten prezidente TL Vision, Abel da Costa ba Lafaek News hafoin hala’o seremonia entrega nesesidade bázika ba familia kbit laek aldeia Fatumtea, sábadu (18/09/2021).
Abel fundamenta, atividade karidade ne’e TL Vision la’os foin halo iha aldeia Fatumeta ne’e, maibé antes ne’e halao iha area metinaro,aldeia Raimean suku Lahane Oriental no Likisa maske ajuda ne’e la barak maibe bele sustenta netik familia kbit laek sira nia moris ba loron balun.
Ajuda ida ne’e ami halo bebeik ona ba ajuada husi metinaru tama to Liquisa ema barak maka hetan ona ajuda husi ami halo distribuisaun ba komunidade sira ne’ebe presija maske ajuda ne’ebé ami halo la barak, más uituan de’it,”nia deklara.
Situasaun pandemia covid-19, iha Timor Leste, afeta ba ema hotu susar atu hetan aihan di’ak, dala ruma obrigadu inan isin rua sira tenki hala’o servisu todan hanesan suru rai-henek iha mota laran buka osan rahun hodi sosa netik food lata ida ka rua hodi sustenta moris.
Inan isin rua ne’ebé servisu duni iha mota laran, ami fo osan uituan ba sira atufasilita netik, ita nia inan isin ruatuir lolos sira deskansa iha uma haree familia kuidadu sira nia kondisaun,” nia fo hanoin.
Iha fatin hanesan reprezentante familia kbiit laek uma kain 49, Lepoldina Mendonca Nascimento agradese ba Timor Leste Vision, tanba loos duni durante ne’e aihan laiha pasiénsia sira tenke kaer kanuru tun ba mota-laran, maske kondisaun isin rua, maibé presaun ekonomia maka’as hodi obriga ema ho kondisaun grávida tenke halo servisu todan hodi sustenta moris.
Sente orguilu tebtebes tanba ohin loron, ekipa Timor Leste vision sira oferese ai-han apoiu hanesan foos ba ami hodi nune’e ami bele satan netik iis ba loron ida ka rua nian,no ami laiha buat furak ida atu fo ba organizasaun Timor Leste Vision, ho orguilu boot maromak akompañia organizasaun servisu ho diak,”hateten nia
Observasaun Lafaek News nota nesesidade baziká ne’ebé apoiu husi organizasaun Timor-Leste Vision ba família kbiit la’ek iha aldeia Fatumea hamutuk uma kain 49 ho total foos sakas 49 no mina, sabaun, rinso osan ba inan isin rua nain rua n’eebé durante ne’e hala’o servisu hanesan suru rai-henek iha mota laran, maske ho kondisaun grávida, ho montante osan dollares Amerikano $ 100 kada ema ida no familia uma kain ida hetan foos saka ida.
Jornalista : Azelio da Cruz
Editór : Agapito de Deus
