Lafaek News—Movimentu Profisional Apoiu Xanana (MOPX), ohin (11/09) apoiu nesesidade bázika ba familia kbi’it la’ek ne’ebé lafaek news halo publikasaun notitisia kona-ba kondisaun moris ho titulu, Julio Moras mear ran, foos fuhuk hela lata ida de’it iha balde laran, iha aldeia Raimean suku Lahane Orientál postu administrativu Na’in-feto munisípiu Dilí.
Reprezenta MOPAX Quintino Pereira Bere hatete, Movimentu Profisional Apoiu Xanana, iha partidu CNRT nia okos maibé inisiativa ne’e sira rasik mak halo hodi soe osan uituan hamutuk sosa sasan sira tuir kapasidade ne’ebé iha.
“Esforsu ne’ebé ami bele halo mak ajudu maun ne’e imideatu ho kbi’it liu ajuda foos saka rua, supermi dos rua no mina jerigen ida,” dehan Reprezentate MOPAX Quintino Pereira Bere, ba lafaeknews iha aldea Raimean Suku Lahane Oriental, Sabadu (11/09/2021)
Nia hatutan, modelu ajudu ne’e sira la’o tuir Lider Karismatiku Kayrala Xanana Gusmão nia dutrina katak iha maluk balun susar karik la’o hamutuk, ba buka malu ba hodi ajuda, tanba ne’e MOPAX nia aktividade ida mak oinsa lao tuir Kayrala Xanana Gusmão nia dalan ne’ebé mak nia ajuda ema kbi’it la’ek tan ne’e koko atu banati tuir.
“Ami espera katak ho asaun ka meus ida ne’e bele ajuda ona ema seluk, haree karik hodi ajuda lolo liman too mai iha ne’e tanba moras sira hanesan ne’e atu rekopera presija tempu naruk tanba ne’e presija duni ajuda duni,” dehan Nia
Iha distribuisaun ne’e, ekipa MOPAX hato’o agradese ba media lafaek news tanba bele públika ona informasaun ida ne’e ba públiku no fanu sira no ema seluk hodi bele mai lolo liman ba malu ajuda malu.
“Ami sepera katak infomasaun ne’e bele luan liutan no bele fanu maluk barak liu tan iha Dili laran atu bele hader ba, rona ba, lolo liman ba malu ba iha tempu ka situsaun difisil sira hanesan ne’e, ami sei lao hamutuk ho lafaek news, la halo buat bo’ot maibé pelumenus halo buat ki’ik ruma” dehan nia.
Iha sorin seluk, Julio Soares agradese tebes tanba durante ne’e nia labele hetan dalan sira hanesan ne’e maibé tanba ho jornalista lafaek news nia prejensa ohin nia bele simu ajudu ne’e no agradese mós ba ekipa maun Xanana nian ne’ebé mai ona ajuda nia hodi fó netik sasan sira ne’e.
“Agradese ba ekipa avo xanan tanba haree baut ida la toba dukur maibé hakarak atu lolo lima duni hosi mai too iha ha’u nia uma hodi fó sasan sira ne’e mai ha’u,” dehan Julio.
Jornalista : Ekipa Lafaek News
Asisten Editór : Pedro de Almeida
