Lafaek News–Joao Mendonca ho idadae 53 husi posto administrativu Remexiu munisípiu Aileu husik hela nia familia mai Dili faan tutan ema seluk nia ikan atu hetan netik osan rahun uituan hodi sustenta nesesidade loro-loron.
Ikan ne’ebé ha’u fan ne’e ema nian mak ha’u fan depois sira selu hau ho pursentu, selu ha’u loron de’it la’os fulan entaun loron Ida haree ba ikan ne’ebe hotu se ikan ema hola dolar 50 entaun sira selu ha’u dolar 10, se dolar 40 entaun sira fo ha’u dolar 8, sira konta porsentu de’it,” hateten Joao Mendonca ba Lafaek news iha bairo-pite foin lalais ne’e.
Nia haktuir, ikan ne’ebé nia faan loron ida bele hetan too dolar 60-70, maibé la’o husi Kuluhun to komoro maske la’o dook, maibé la sente rai manas, anin, udan no hamlaha, maibé la sai difikuldade ba nia, importante bele hetan osan uituan hodi haruk ba familia iha Remexiu.
Osan ne’ebé ha’u hetan ne’e rai hodi hola ai-moruk atu hemu ,maske ema selu hau ho pursentu deit, maibé ha’u nafatin esforsu an hodi fan atu osan ne’ebé ha’u hetan tuan hodi rai hola ai-moruk no fen-oan nia hahán loron kalan,” nia hatete
Joao haktuir nia iha fen ho oan nain 2, husik hela iha Remexiu mai iha sidade hela ho ema seluk atu fan ikan maran hodi bele hetan osan tuan hodi sutenta nia familia no nia ai-moruk.
Ikan maran nia faan ne’e ema nian mak ha’u fan pois sira selu pursentu de’it, ikan maran ne’ebé nia faan talin ida dolar Ida no ikan-tri sentavus 50,’’ haktuir nia.
Nia hateten katak Uluk nee folin diak maibe agora nee folin ladun diak tanba ema laiha , uluk loron Ida hetan dolar 60 to dolar 70, maibé agora hetan de’it dolar 20 ou 30 nee manan pursentu kiik
Nia relata ba governu katak husu favor boot ba nain ulun sira atu labele taka bei-beik dalan liu husi konfinamentu obrigatóriu atu nune’e negosiante sira livre la’o buka moris iha sidade atu bele sustenta sira nia nesesidade uma laran.
Estajiada : Cricensia Ferreira
Editór : Agapito de Deus
