Lafaek News—Familia kbi’it la’ek kompostu husi uma kain tolu hanesan Ilda Mutubere, Miguel Amaral ho nia kaben Atina Soares no mós Francisca de Araújo iha aldeia Lemkari, suku Manleuana, postu-administrativu Dom Aleixo Munisípiu Dili, kontente simu nesesidade baziku husi Komsellu Kombatentes Libertasaun Nasional Timor Leste (KKLNTL).
Iha ambitu distribuisaun ne’e, segundu Vise Prezidente KKLNTL, Marito Reis haktuir, nesesidade bazika no material ne’ebé distribui ba familia uma kain tolu ne’e, tuir buat ne’ebé sira presija hodi responde sira nia moris.
Agora da-daun ami la’o tuir saida mak alin sira fó sai iha media (lafaek news), ami akompaña fali husi berita ne’e la’o mai iha mau-alin sira ne’ebé mak kbi’it laiha, maibé fahe tuir buat sira presija, entaun sasan sira ne’ebé ohin ami lori mai iha ne’e hanesan foos mina, Manu-tolun, kalen tahan (20), pregu ho produtu lokal ida ne’e mak sasan ne’ebé mak ohin ami lori fó ba sira,” dehan Marito Reis ba Lafaek news iha Aldeia Lemkari foin lalais ne’e.
Nia hatutan, orsamentu ne’ebé jere ba sasan hirak ne’e hetan ajuda husi veteranus sira iha Australia hodi tulun ema sira ne’ebé presija tebes tulun, sasan maka hanesan Foos saka (6) kulisaun (4) mina (6) Manu-tolun rak (3) Produtu lokal inklui mós kalen tahan 20 no pregu kg 1.
Iha fatin hanesan abitante Miguel Amaral sente kontente tanba bele hetan tulun husi Aman Marito Reis ho maluk sira ne’ebe ho fuan boot ajuda hasai ona familia sira husi situasaun difisil ne’e.
Ohin aman Marito Reis lori kalen tahan 20 foos saka 2 produto lokal hanesan fehuk, manu tolun ho mina inklui mós kulisaun ida, Ami simu ho kontente ho liman ruan,” Miguel dehan ho hamnasa.
Nune’e reprezenta xefe Aldeia Lemkari Horacio da Sila, hato’o agardese ba media online lafaek news nia publikasaun konaba asuntu sosial, tanba bele lideransa local hodi hakmaan povu sira.
Agradese ba ita boot sira (Lafaek news) tanba bele mai hatutan ona ami nia lia menon, ne’ebé ema mai ajuda la barak ba, maibé uitoan ona familia uma kain tolu, agardese mós ekipa no KKLN ne’ebé mai distibui nesesidade baziku ba familia uma kain tolu,”
Nune’e mós nia imforma, iha suku manleuana povu maioria depedente deit ba mota maka bele sustenta ba nesidade uma laran, maibe iha situasuan defisil sira maka susar liu tanba rai henek no fatuk ema la sosa, tanba ne’e governu tenke hanoin no tau matan antes atu implementa normas legais ruma.
Jornalista : João da Costa Soares
Editor : Agapito de Deus
