Lafaek News–Estudante Eskola Bázika III siklú Sergio Veira de Melo, Celia Carvalho Martins, lamenta tanba la kompriende ho profesor nian fahe livre eskola iha uma, maibé susar atu halo aprende.
“Ami halo de’it Trballu de Casa hodi nune eskola tama ami entrega ba profesor sira, maibe ida ne’e ami ladun komprende didi’ak saida maka profesora sira fo,”hateten estudante 2 ano eskola bázika 3 siklú Sergio Veira de Melo, Celia Carvalho Martins ba lafaek news iha foin lalais ne’e.
Estudante II klase ne’e preukupa ho métodu ne’ebe profesor sira oreinta ne’ebé hasusar fali estudante sira atu aprende via online, tanba laiha fasilidade hanesan telefone no pulsa internet hodi fasilita estudante sira bele estuda.
“Profesor sira haruka ami estuda online duni, maibé telefone laiha no pulsa mos laiha hodi fasilita ami atu estuda iha uma ho diak,”nia deklara.
Iha fatin hanesan Luciana Martins hanesan inan ba estudante ne’e hateten, loos duni labarik sira la aprende durante prosesu aprendijazem iha eskola la la’o tanba pandemia covid-19.
“Profesor sira haruka ami nia oan sira aprende iha uma, maibe sira la aprende halimar mak barak liu, dalaruma haruka liu husi telefone online maibé ami osan laiha atu sosa telefone fahe ba labarik sira hodi tuir eskola,”hateten inan husi estudante ne’e.
Nia rekomenda ba governu atu bele reativa hikas eskola nune’e labarik sira eskola ho di’ak, maske pandemia, más nafatin tuir protokolu saúde uza maskra no distánsia fíziku.
“Ami husu ba governo atu bele resolve ba problema ne’e mais ou menus bele reativa hikas fali eskola maibe estudante sira nafatin tuir protukulo saude nian,”nia rekomenda.
Jornalista : Manuel Andrade
Editór : Agapito de Deus
