Lafaek News—Tersa (31/08/2021 oras tuku 02:49 (madrugada) Unidade Polísia Marítima (UPM), halo patrolla iha area Kristu-Rei konsege kaptura Timor-oan nain 4 no sidadaun ida husi Indonesia halo tranzasaun ilegal husi Atapupu mai Timor-Leste.
“Sira halo tranzasaun tuku 07 sai husi Atapupu tama iha dolok–oan Kristu-Rei tuku 02:49 no Evidensia neebe UPM kaer mak hanesan vero ida ho motor ida kamioneta baskolante ho keri ho marka suzuki ida sigaru Joker kaisa 40 agora iha hela UPM nia liman,” dehan Porta Voz PNTL Superintendente Xefe Arnaldo Araujo ba Jornalista iha Komandu Jeral kaikoli Dili, tersa 31/08/2021.
Arnaldo relata, sira ne’e hamutuk ema nain 7 nain lima ho inisial RDC (21) husi Kovalima, JM (22) Bobonaru, CM (23) husi Atapupu Indonesia, RGM, (24), Bobonaru no mos autor ba tranzasaun ka nain ba sasan ho inisial ADJDS (38), husi Likisá maka UPM kaptura no nain rua la konsege halai lakon.
“Prosesu dahuluk sei UPM entrega ba iha Komandu PNTL munisipiu Dili depois prosesu ba sira ne’e sei enkamina ba investigasaun hodi halo prosesu depois lori ba entrega iha ministeriu publiku” nia deklara.
Iha sorin seluk motorista kamioneta ho inisiál RGM esplika, bainhira sira ajuda foti sasan ilegal ne’e mak foin hetan osan hodi uza ba nesesidade loro-loron nian.
“Ohin ami nain 4 hamrik de’it iha fatin, tanba hakarak koopera ho ita nia UPM, tanba ami leba ona sasán ne’e mak ema sosa entaun ami hetan osan $.40 hodi uza sosa hahán ami han tanba agora situsaun hanesan nee tqnba ne’e mak bainhira ami nia patraun bolu ami ba deit ona,” RGM deklara.
Entretantu sidadaun nain rua ho inisiál C no ida seluk ho inisiál C ne’ebé halai lakon tiha husi fatin refere, maibé da-daun ne’e membru UPM nafatin buka hela, no mos transporte neebe UPM Foti hanesan evidénsia mak hanesan kamioneta baskolante ho Sapa matríkula 60-188 no mos kamioneta ida seluk ho marka Suzuki sapa matrikula A.20-114 inklui motor meo beat ida ho sapa matrikula O.3770.
Jornalista : Orlando Magno
Editór : Agapito de Deus
