Lafaek News–Pasiente sira ne’ebe mate ho pandemia covid-19 iha izolamentu Vera-Kruz, husi inisiu too ohin hamutuk 64, rejista pasiente foun 113, no rekupera ona 91, total kazu ativu 4.574
Koordenadór Forsas Tarefas ba Prevensaun no Mitigasaun Surtu Covid-19, iha Timor-Leste, Rui Maria de Araújo informa, total mate ne’ebé relata iha loron 30 Agostu 2021: 2 (rua), ho detallu hanesan tuir mai; feto, idade 73, Timor-oan, hela iha Ainaru, seiduak vasina, iha 27 Agostu 2021 diagnóstikadu iha Ainaru ho sindroma insufisiénsia respiratória aguda (SIRA) tan bá Covid-19, iha loron ne’e kedas matebian hala’o tratamentu iha Lahane tuir protokolu ne’ebé iha, no matebian i’is-kotu ohin madrugada 01h44, tanba respiratoric failure/parajen respiratória.
Rui Maria de Araújo hatutan, Feto, idade 83, Timoroan, hela iha Dili, seiduak vasina kompletu, iha 22 Agostu 2021 diagnóstikadu iha HNGV ho sindroma insufisiénsia respiratória aguda (SIRA) tan bá Covid-19, iha loron ne’e kedas matebian hala’o tratamentu iha Vera Kruz tuir protokolu ne’ebé iha, no matebian sofre mós problema fuan, matebian i’is-kotu ohin dader 10h55, tanba respiratoric failure/parajen respiratória.
Nune’e, familia husi matebian nain 2 kordena ona ho ekipa saúde atu hala’o funeral tuir protokolu ne’ebé adopta iha Timor-Leste.
“Iha loron 30 Agostu 2021, izolamentu Vera-Kruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu nain 118, hanesan; kazu Grave hamutuk 27 pessoas (nain 2 uza ventilador, nain 3 uza CPAP Continuous Positive Airway Pressure-, 22 uza oksijéniu), kazu Moderado hamutuk 65 pessoas, no kazu Leve hamutuk 26 pessoas,” esplika koordenadór ne’e liu husi komunikadu imprensa, Segunda (30/08/2021)
Enkuantu, Kazu detetatu foun ne’ebé relata ohin 30 Agostu 2021: 113 (iha Dili 66, Baukau 32, Ainaro 2, Bobonaro 5, Kovalima 2, Ermera 1, Raeoa 5, Kazu rekuperadu ne’ebé ralata ohin hamutuk: 91, kazu ativu ohin hamutuk: 4.574, no otal kazu konfirmadu kumulativu iha 30 Agostu 2021 (sura husi 21 Marsu 2020): 16.515.
Jornalista : Sandi Belo
Editór : Agapito de Deus
