Lafaek News—Negosiante faan Tais mini-merkadu Kolmera, Alberto de Deus, sente trista ho implementasaun serka sanitaria no konfinamentu obrigatoriu fo impaktu boot bania rendimentu lor-loron
“Ami faan tais hanesan Cultura ami moris mai ne’e moris kedas ho tais, Tais ne’ebé ami faan hetan osan hodi sustenta ba nesesidade uma laran no oan nia eskola,” Hateten Negosiante Alberto de Deus ba Lafaek News iha tais Market kolmera Dili 26-08-2021.
Alberto Afirma, tais ne’ebe nia faan produz rasik, maibe sosa kabas no tasi seluk sosa fali husi negosiante hanesan mak faan tutan husi Bobonaru no Ermera, maibe rendimentu tun maka’s dezde implementasaun estadu emerjensia no serka sanitria, sa tan konfinamentu obrigatoriu hanesan situasaun da-daun ne’e.
“Tais ne’ebe ami sosa kada folin dolar $25.00 no ami faan fali ba dolar $40.00, ami faan fali nee buka sorti de’it tanba ami faan dolar $40.00 lae komprador hatun ba folin ba dolar $35.00,” Alberto haktuir.
Tais ne’ebe Alberto faan da-daun iha merkadu Kolmera ho presu la hanesan , tasi ne’ebe ho medida kiik presu dolar 15, medida boot presu dolar 40, maibe dala ruma faan presu tuun mos ema la sosa, uluk seidauk iha serka sanitaria ne’e rendimentu loron ida bele hena dolar atus ida ($.100) ba leten.
“Iha Estadu emerjensia ami la haten liu tamba ema sulan deit se mak atu hola, ema ida ka rua mak mai hola hetan dolar $20.00 nee ami uza hodi han deit,” nia dehan
Husu governu atu badak serka sanitaria no konfinamentu obrigatoriu ne’e iha munispiu Dili, tanba impaktu boot liu ba negosiante kiik sira iha merkadu nasional liu-liu mini-merkadu Kolmera vizitante laiha liu kedan.
Estajiada : Carla Borges
Editor : Agapito de Desus
