Lafaek News–Komandante PNTL munisipiu Ainaru Justino Menezes, informa nia parte simu ona informasaun ligadu o asidente trafegu iha Nunumoge iha tuku 2 lokraik ne’ebe rezulta membru F-FDTL (C.Naval) nain 6, lima kanek no ida hakotu iis hafoin evakua ba ospital Maubisse.
Justina relata, Membru Forsa-Falintil Defeza Timor-Leste (F-FDTL), Naval, nain 6 halo viajen diresaun husi Dili ba munisipiu kovalima, maibe too iha dalan suku Nunumoge postu Hatu-builiko kareta Hilux baku fila Ainaru rezulta nain 4 kanek kamaan nain ida moras todan no feto ida mate.
“Ohin 24/08/2021 tuku 02, ho balu membru Forsa Naval Nain neen ho kareta hilux ida baku fila, rezulta nain 4 kanek kmaan nain ida kanek toda no mebru feto 1 hakotu is hafoin evakua husi fatin akontesimentu ba ospital,” Komandante Munisipiu Ainaru Superintendente polisia Justino Menezes ba Lafaek News Via Telefone, tersa 24/08/2021.
Komandante Ainaru Justino informa, membru forsa Naval nain 6 ne’e, ba halao sira nia knaar iha munisipiu kovalima mak hetan dezastre, maibe hafoin akontesimentu nee mosu PNTL liu husi polisira tranzitu hamutuk ho segundu komandante no komandante operasaun too kedas fatin akontesimwntu hodi evakua kedas membru Forsa naval sira nee ba ospital Ainaru.
Komandante PNTL munisipiu Ainaru seidauk relata kronolojia husi asidente refere, tanba sei iha faze investigasaun no asidente ne’e rasik dook husi munisipiu Ainaru.
Jornalista : Orlando Magno
Editor : Agapito de Deus
