Lafaek News–Dezde okupasaun Indonesia tinan 24, too ohin independensia Timor Leste, aldeia Bedois suku Kamea, postu administrativu Kristu-Rei, munisipiu Dili krize bee moos no hasusar tebes nesesidade loro-loron.
“Ami sente triste tebes tamba be’e mos no dala ruma ami ba kuru tenki lao ho distnasia ne’ebe maka do’ok kuaze kilometru ida hafoin kuru be’e mos,”hateten komunidade Laura Smith ba jornalista Lafaek News iha aldeia Bedois,segunda(23/08/2021).
Iha fatin hanesan xefe aldeia Bedois, José Pereira rekonese komunidade husi aldeia Bedois preukupa hela be’e mos durante okupasaun Indonesia nia tempo too agora, maibe laiha governu ida tau atensaun ba problema ne’e.
“Ami la’os foin maka enfrenta problema be’e mos ne’e maibe durante iha indonesia nia tempo até agora laiha governante ida maka mai tau matan,no ami halo ona esforsu balun maibe laiha rezultadu,”hatutan xefe aldeia Bedois José Pereira.
Nia deklara hafoin hetan ajuda husi Australia Aid no instituto be’e Timor leste (IBTL) hafoin instala be’e mos 1500 litro ba komunidade sira bele komsumo maibe la sufisiente ba sira.
“Hetan ajuda ona husi Australia Aid no IBTL maibe la sufisiente ba ha’u nia komunidade sira tamba total ho komunidade ne’ebe barak no ami husu nafatin ba parte relevante sira atu bele tau atensaun ba problema ne’e,”nia rekomenda.
Entretantu tuir observasaun jornalista lafaek news iha tereinu nota komunidade husi aldeia Bedois barak maka lori masa mamuk forma iha tanke ne’ebe Austalia Aid oferese, maibe balun tenke fila ho masa mamuk tan be’e la sufisiente, nune’e xefe aldeia mos kria rugulamentu ba komunidade sira ne’ebe kuru be’e mos tenke troka malu, total populasaun aldeia Bedois hamutuk 1636 no uma kain total 300.
Jornalista : Manuel Andrade
Editór : Agapito de Deus
