LafaekNews—Asosiasaun HAK preokupa ho kondisaun dadur sira  iha fatin prizaun laran, sira hanesan, prizaun, Becora, Gleno no Suai, tanba prizioneiru balun  moras psikolojia hela maibé  hamutuk de’it ho prizioneiru sira seluk iha prizaun laran.

Asuntu ne’e hato’o husi  diretur Asosiasaun HAK,  Sisto Dos Santos, iha komemorasaun aniversáriu  HAK nia bad ala rua nulu resin lima (25) nomos  lansamentu ba studiu sentral baze de apoiu komite populár, kanal direitus humanus nian  iha edifisiu HAK Farol, 20/08/2021.

“HAK nia preokupasaun liu ita nia prizioneiru sira barak maka seidauk koñese sira nia advogadu, seluk mós ita nia prizioneiru sira ne’ebé mak moras mental hela nafatin hamutuk ho prizioneiru sira seluk iha prizaun laran, tanb  hirak ne’e afeita tebes ba  servisu guarda prizonal sira ne’e nu’udar dezafiu bo’ot, no ida seluk mós ita nia Inan feto balun ne’ebé mak nu’udar prizioneira nia partu iha prizaun laran iha Gleno dadaun ne’e bebe kontinua moris hamutuk ho nia ina iha  prijaun laran ne’e dejafiu ba ita nia Instituisaun estadu ba ia nian hotu, no seluk mós ita nia moru prizaun nian iha Suai ne’e la iha antaun ne’e iha potensia boot bele prejudika situasaun seluk bele mosu iha tempu ruma,”esplika  Diretur HAK.

Nia hatutan, HAK nia esforsu oinsá ida-ne’e ita kontinua advoga liuliu orgaun soberanu ba Parlamentu Nasionál atu prioritiza hodi apoiu ba ita nia ministru justisa ne’e bele mellora tan rekursu humanus sira advogadu juis sira atu nune’e prosesu julgamentu ne’e bele aselera seluk mos presiza insiste hela ba instituisaun relevante liuliu ba parlamentu nasional atu hahú instala ona estabelese sentru moras mental ba prizioneiru sira ne’ebe mak moras mental

IHa aniversáriu  HAK deseza tebes ba   ukun na’in sira atu nune’e ita tempu ukun-an  ne’e la iha tan  ema prizioneiru sira  mak kontinua hetan agresaun iha prizaun laran tanba ida-ne’e sai  hanesan aspeitu ida ne’ebé mak prinsipal tebes  atu estadu tau matan hela ne’eba, esplika Sisto.

Tuir dadus husi HAK, prizaun  dadaun ne’e iha prizaun 3 ne’ebé mak tau matan hela, iha prizaun Bekora iha ema 50 ital ne’ebé mak dadaun dadur hela ne’eba iha mos ema moras mental hamutuk 15 nomos iha Gleno ema 100 resin nomos iha Suai,

Sisto sujere, liliu ba parlamentu nasionál atu aloka orsamentu ida ne’ebe mak sufsiednte nune’e bele kontinua instala prizaun juvenil ida ne’ebé mak 2005 halo ona lansamentu premeira pedra iha tibar  hirak ne’e ita seidauk halo.

Estajiadu : Azelio da Cruz

Asisten Editór: Egidio Nono