Lafaek News-(Ainaro)-Xefe Kaza Sivil Francisco, Maria de Vasconcelos husu populasaun postu administrativu Ainaro, munisipiu Ainaro atu proteze ai-oan ne’ebe foin kuda Jakarta II, no futuru ba fatin ne’e sei sai Ossoariu permanente
Xefe kaza sivil hato asuntu ne’e hafoin hamutuk ho deritiva inklui komunidade sira kuda ai-oan iha jakarta II munisipiu Ainaro, sesaun ikus iha eventu kuda reprezentante Prezidente Repúblika husu ba komunidade sira atu tau matan ba ai-horis hirak ne”e.
‘‘Prosesu ba fatin ida ne’e ba futuru sai hanesan Ossoario ho jardin herois tanba atu muda jardin heraois ida iha Ainaru vila muda mai iha aldeia Builico Jakarta 2,’’informa Xefe Kaza Sivil Francisco Maria de Vasconsellos ba jornalista sira iha Ainaru jakarta II, tersa (17/08/2021).
Entretantu nia mós informa, ba prezidente munisípiu ho funsionariu sira hotu no mós sidadaun sira hodi esplika razaun Prezidente labele marka prenzensa ohin maibé sei mai iha tempu seluk.
Antes hakat ba kuda ai oan iha fatin refere Xefe Kaza Sivil halo vizita ba eskola edefisiu, movimentu agrikultura, Ossoariu heraois da pátria, no administrativu Munisípiu Ainaro hodi haree situasaun no problema ne’ebé iha nune’e bele hato’o ba Prezidente Repúblika hodi ko’alia ho Ministeriu kompetente sira atu buka soulsaun.
Iha fatin hanesan Diretora Agrikultura Munisípiu Ainaru, Natalia de Hornai Amaral hatutan, kuda ai oan husi ne’e tamba hare jeografikamente iha munisípiu Ainaru fatin ida ne’e sempre akontese risku dezastre naturais liliu hahú husi aldeia Ida Builico.
“Planu agrikultura ba oin ne’e mak, atu harii ho ai-oan espesi ne’ebé mak ami identifika hanesan Durian, Rambutan no ai-klenken, maibé aí ne’ebé mak ami prepara iha biberus 400 no agora dadaun simbolikamente dadaun ne’e aí-oan ami prepara hamutuk 70,’’ katak Natalia
Jornalista : Rita Moniz
Editor : Agapito de Deus
