Lafaek News—Governu Timor-Leste simu tan apoiu doazaun ba ba vasinasaun ho tipu AstraZeneca dozes hamutuk 168.000 hodi satan pandemia Covid-19 iha Timor-Leste.
Xefe Governu Taur Matan Ruak, hateten, To’o ohin Timor-Leste simu apoiu doasaun aimoruk kontra moras husi organizasaun internasional no paises amigos sira hamutuk 982.380 vasina, ho apoiu genorosidade sira nee bele tulun Timor-Leste fila fali ba situasaun normalidade.
“Husi numeru ida ne’e Timor-Leste konsege vasina sidadaun iha Timor laran tomak ne’ebé atinji primeira doze ho vasina hamutuk 45,2 % no Segunda doze 16 , 9 %. Susesu vasinasaun iha Dili atinji 70, 7% primeira doze no segunada dose 49, 1%, tuir fali Munisípiu Kovalima 59,9% no Vikeke 54,3%,” dehan primeiru Ministru Taur Matan Ruak, iha ámbitu serimónia entrega vasina husi Governu Japaun mai Timor-Leste iha edefisiu MNEK, segunda (16/08/2021.
Taur, afirma, durante ne’e nasaun siean ne’ebé apoius Timor-Leste kona-ba ai-moruk vasina, kompostu husi, COVAX fó 100. 800 mil, husi Nova Zelandia 24 mil, Xina 100 mil, Australia 577. 580 mil, Portugal 12 mil no Japaun 168 mil.
“Ha’u hakarak hodi ha’u nia naran rasik, lori povu Timor nian naran agradese ba ita boot nia esforsu tomak no liu husi ita boot agradese ba primeiro Ministro Japaun no povu Japaun ne’ebé fó kontribuisaun ho vasina para bele salva vida iha ami nia rain,” Taur hakotu.
Estajiadu : Simão João Mira Fraga.
Asisten Editór : Egidio Nono
