Lafaek News–Xefe Kaza Sivil Francisco Maria de Vasconsellos informa, Prezidente Repúblika Francisco Guterres Lú Olo, adia mai vizita Manufahi ho Ainaru, tanba kondisaun saúde la permite.
Xefe Kaza Sivil hatoo asuntu ne’e bainhira vizita eskola Instituto Universidade Nasional Timor Leste Don Boaventura, Manufahi segunda loraik (16/08/2021).
“Prezidente Repúblika Francisco Guterres Lú Olo la kansela ninia viajen mai munisipíu Manufahi, maibé sei adia fila-fali, tanba kondisaun saúde la permite atu viajen,” Dehan Kaza Sivil hafoin halo Visita ba eskola Instituto Universidade Nasional Timor Leste Don Boaventura Luac.
Xefe Kaza Sivil me’e, dehan vizita Xefe Estadu mai Manufahi no Same sei adia tanba prezidente ninia kondisaun, planu vizita mai Manufahi ne’e feitu ona no planu ne’e halo tiha ona.
“Maibé infelismente iha Sesta ne’e prezidente Repúblika sente isin manas uitoan, maibé ohin dadersan ha’u atu sai prezidente hakarak mai maibé mediku mak rekomenda ba PR katak temporariamente PR lalikan halo viajen,” Deklara Vasconcellos.
Nia dehan, maske PR la mai, maibé hato’o hela mensajen komprimtus ba komunidade Manufahi maske preparasaun ne’ebé halo ona no husu deskulpa bo’ot ba populasau Manuifahi tanba halo preparasaun masimu hodi hein prejensa Xefe Estadu Francisco Guterres Lú Olo.
Jornalista : Rita Moniz
Editor : Agapito de Deus
