Lafaek News–Covid-19 Foun 213, Dili 104, Ermera 37, Aileu 13, Ainaro 11, Baukau 12, Bobonaro 4, Kovalima 10, Likisa 8, Manufahi 2, Raeoa 12, no Kazu Rekuperadu 206, Kazu Ativu 1.829
Koordenadór Forsas tarefas ba prevensaun no mitigasaun surtu Covid-19, Rui Maria de Araújo relata, kazu detetatu foun iha loron 13 Agostu 2021: 213 (iha Dili 104 no Ermera 37 munisipiu seluk hamutuk 72), husi total kazu detetadu foun ne’e: mane 94, feto 119, total kazu detetadu foun hirak ne’e ho idade 20: 41 (19,2%), ho idade entre 12-59 nain 164 (77%), ho idade 60:8, no husi total kazu detetadu foun ne’e, 73 kazus ka 34,3% maka sintomátiku (hatudu sintomas).
” Kazu rekuperadu ne’ebé ralata ohin hamutuk: 206, total kazu ativu ohin hamutuk: 1.829, no total kazu konfirmadu kumulativu iha 13 Agostu 2021 (sura husi 21 Marsub2020): 12.272,” esplika koordenadór ne’e liu husi komunikadu imprensa Sesta (13/08/2021)
Rui Maria de Araújo dehan, husi insidénsia Covid-19 iha Timor-Leste, durante loron 7 ikus maka 9,6/100 mil abitantes, enkuantu ba deit Munisipiu Dili 18,3/100 mil abitantes, no insidénsia iha Ermera 15,3/100 mil abitantes, tuir kedas Munisipiu Covalima ho insidénsia 10,9/100 mil abitantes, RAEOA ho insidénsia 10,1/100 mil abitantes, Munisipiu Aileu ho insidénsia 6,6/100 mil abitantes, Munisipiu Bobonaro ho insidénsia 6,4/100 mil abitantes, hafoin Munisipiu Ainaro ho insidénsia 5,4/100 mil abitantes, dadus sura ne’e hatudu katak Insidénsia Munisipiu Dili, ho Munisipiu Ermera tu-tuir malu a’as-liu iha Timor-Leste laran tomak, Munisipiu ha’at seluk Covalima, Aileu, Bobonaro, Ainaro ho RAEOA, mós hatudu risku a’as-liu, atu populasaun hetan da’et, no hada’et tutan virus SARS-CoV-2, iha komunidade nia le’et.
Governante ne’e informa, rezultadu sekuensiasaun genómica konfirma variante preokupante Delta nakda’et ona iha komunidade Ermera nia le’et, liu-liu iha Gleno, Ermera ho Railaco, no Laboratóriu Nasional Saúde haruka ona amostra husi Dili no Covalima, no hein hela resultadu sekuensiasaun genómika, aumentu maka’as kazu iha loronn 5 ikus, hatudu katak iha possibilidade bo’ot variante Delta mós sirkula ona iha Munsipiu ne’ebé númeru kazu (insidénsia) sa’e maka’as.
Jornalista : Sandi Belo
Editór : Agapito de Deus
