Lafaek News—Implementasaun serka sanitaria no komfinamentu obrigatroiu iha munisípiu Dili, hare’e ba ekonomia familiar liu-liu negosiante sira ne’ebé faan bibi iha mau-felu menus rendimentu tanba kompradores mós menus.

Tuir Negosiente Jullio Morais (23) katak foin halo atividade negosiu ida ne’e liuliu faan animal (bibi), maibe nafatin aproveita oportunidade ida ne’e hodi kontiua halo negosiu maske iha hela situasaun Covid-19.

“Bibi ne’ebé ami hola ami hein de’it iha maluk sira husi 13 munisipiu mak lori mai depende ba ema nain fa’an bibi ida dollar $.50.00, entaun ami fa’an fali ba dollar $.55.00 maibe iha situasaun Covid-19 rendiementu tun tebes la hanesan ona uluk tanba ema sosa mós menus,” hateten Julio morais ba estajiada Jornllalista LN iha ponte Mau-felu sexta (13/08/2021).

Julio Morais, hela iha Aldeia toko-baru2, Suku Kuluhun postu Adminitrativu Kristu-Rei, munisipiu Dili, nia halo atividade negosiu ida ne’e foin tinan ida ho balun no fundus uza de’it maluk negosiante sira nian pois taka fali, no to’o agora bele uza rasik osan.

“Fundus hau uza ne’e husi maun no tiun sira ne’ebé faan uluk iha ne’e hamutuk $50.00 to’o hau selu hotu, agora uza fundus rasik, para bele hetan osan ituan hodi bele sustenta ha’u nia Eatudu no tansporte no mós foto kopia. Nune’e ho osan ituan hau uza hodi sosa fali bibi hodi fa’an,” dehan nia.

Nune’e mós nia dehan, atividade negosiu ne’e maka dalan ne’ebé di’ak no hetan lalais osan, maibe fatin maka la seguru tanba iha mota laran susar wainhira iha tempu udan.

“Iha tempo udan fatin ne’e la seguru, tamba saida udan bo’ot mota tu’un ami tenki dada bibi lalais hodi sa’e ba rai leten i ami salva ami nia animal (bibi) ne’ebé ami fa’an,” nia imforma.

Entretatun husi observsaun direta iha terrenu nota, iha ponte mau-felu ema barak maka faan animal (bibi) maibe movimentu iha fatin ne’e menus, maske nune’e negosiante sira kontiua hein kompradores sira. Hare’e ba fatin ne’ebé negosiante sira faan bibi, la seguru tanba kesi de’it iha loron manas satan tempu udan.

Jornalista Estajiada  : Carla Borges
Asisten Editór             : Pedro de Almeida