Lafaek News–Inan faluk Filomena Soares ho idade 42, hasoru difikuldade ekonomia uma laran, obrigadu tenke debe viziñu sira nia osan hodi sosa foos tein han lor-loron no selu oan nia eskola.
“Ha’u nia liman sorin sai hanesan aman buka osan hodi sustenta moris lor-loron no liman sorin hanesan inan hodi tau matan ba sira, hau lor-loron fan haas mak suatenta ha’u nia moris lor-loro,” dehan filomena ba jornalista lafaek news iha nia rezidensia Bidau iha kuarta semana ne’e.
Faluk ne’e haktuir, hafoin nia kaben husik nia ho oan nain lima iha tinan 2007, nu’udar inan faluk tenke servisu liman sorin hanesan cefe familia no liman sorin hanesan inan hodi tau matan ba oan nain lima.
‘‘Ha’u nia kaben mate iha tinan 2007 ha’u hela ho ha’u nia oan nain lima ne’e,’’ haktui inan faluk ne’e.
Faluk Filomena Soares dehan sira nia moris lor-loron depende fan haas hodi sustenta nia oan nain lima hodi ba eskola oan ida eskola iha Universidade Nasionál Timor Loro sa’e.
Filomena iha oan ha’at feto tolu mane ida tan osan ne’ebe mak nia hetan husi ha’as nia sosa hahan uma laran hodi han no selu oan sira nian eskola, tanba nia oan ida eskola iha katolika kara fulan selu 7.00 dolar
Dala ruma osan la to’o atu selu oan nia eskola Filomena tenke debe viziñu sira nia osan hodi selu oan nia eskola no sosa fo’os hodi han, no faan fali haas hafoin mak selu fali viziñu sira nia osan ne’ebé nia debe hodi sustenta nia moris.
“Haas ne’ebe ha’u fan loron ida ema sosa 3.00 dolar osan ne’e ha’u rai hamutuk de’it sustenta moris lor-loron no sustenta oan nia eskola, dala ruma osan la to’o atu selu eskola hau tenke debe viziñu sira nia osan hodi selu eskola no sosa foos hodi han,”nia hakotu
Ikus liu faluk ne’e fó hanoin ba estadu katak see hanoin bele tau matan netik ba nia sira nia eskola, tanba sira eskola aban bainrua serbi ba Timor Leste.
Jornalista :Domingas Viana
Editór : Agapito de Deus
