Lafaek News—Ministériu Edukasaun Juventude no Desportu (MEJD) Asina Memorandu Entendementu (MoU) ho United Nation Development Program (UNDP) servisu hamutuk dezenvolve edukasaun ICT ba eskola sekundariu professional iha Timor Leste.
Tuir Ministru eduksaun joventude no desportu (MEJD) Armindo Maia, dehan, asina memoradun ida ne’e MEJD identifika uluk eskola tolu iha Dili atu implementa programa ida ne’e hanesan eskola sekundariu 28 Novembru ho Eskola 12 Novembru iha Bekora no sei identifika tan eskola ida.
” Kooperasaun ida ne’e oinsa mak garante ita nia fasilidades la’os eskola hotu la’o dala ida maibé neneik, ida ita identifika ona eskola tolu hanesan 28 Novembru no 12 Novrmbru, ida seluk depois ita sei identifika tan,” dehan MEJD Armindo Maia ba Jornalista sira salaun VIP MEJD vila Verde Tersa-feira (10/08/2021).
Nia hatutan iha parseria ida ne’e UNDP ho MEJD sei servisu hamutuk atu dezenvolve projetu tinan lima nian hahú husi tinan (2021-2025), konaba abilidade no koñesimentu ict ba juventude iha timor-leste no mòs atu reforsa kualidade ekukasaun ICT iha eskola sekundariu no Vokasional ba estudante sira atu aselera sira nia aprendisajen.
Iha fatin hanesan reprezentante UNDP Adjuntu Lazima Onta- Bhatta agrdese ba parseiru PNUD MoEYS servisu hamutuk hodi apoiu ba Inisiativa foun refere.
“Agradese tebes ba MoEYS ba sira nia fiar no apoiu ba Inisiativa foun ne’e atu dezenvolve projetu Edukasaun ICT ba Nasaun laran hodi utiliza realizasaun no kaisaun sira ne’ebè aprende husi projetu edukasaun ICT ne’ebè mak hetan susesu foin lalais ne’e iha Oe-cusse” Nia Subliña.
Entretantu iha Memorandu Entendementu (Memorandum of understanding, MoU) United Nation Development Program (UNDP) partisipa maximu husi Diretores Gerais MEJD no Nasionais husi MEJD.
Jornalista : João Soares da Costa
Asisten Editór : Pedro de Almeida
