Lafaek News–Sentru Integradu Jestaun Krize, Sala Situasaun (SIJK-SS) rejista Kazu Covid-19 foun 89, Dili 35, Ermera 32, Aileu 4, Kovalima 3, RAEOA 9, no Vikeke 6, kazu rekuperadu 19, atual baixa 1.335
Koordenadór Forsas Tarefas ba Prevensaun no Mitigasaun surtu covid-19, Rui Maria de Araújo, relata Kazu detetatu foun iha loron 7 Agustos 2021: 89 (iha Dili 35, Ermera 32, munisipiu seluk hamutuk 22), husi total kazu detetadu foun ne’e: mane 29, feto 60, husi total kazu detetadu foun hirak ne’e ho idade 12:5, ho idade entre 12-59 nain 84 (94,3%), ho idade 60:0, no husi total kazu detetadu foun sira ne’e 11 kazus ka 12,3% maka sintomátiku (hatudu sintomas).
” Kazu rekuperadu ne’ebé ralata ohin hamutuk: 19, kazu ativu ohin hamutuk: 1.335, no total kazu konfirmadu kumulativu iha 7 Agostu 2021 (sura husi 21 Marsu 2020): 11.475,”essplika koordenadór ne’e liu husi komunikadu imprensa, Sabadu (7/08/2021)
Rui Maria de Araújo, informa, husi insidénsia Covid-19 iha Timor-Leste, durante loron 7 ikus maka 6,3/100 mil abitantes, enkuantu ba de’it munisipiu Ermera 24,9/100 mil abitantes, nune’e ohin, insidénsia iha Dili 8,0/100 mil abitantes, tuir kedas Munisipiu Kovalima ho insidénsia 7,1/100 mil abitantes, no RAEOA ho insidénsia 5,0/100 mil abitantes, ida ne’e hatudu katak Insidénsia Munisipiu Ermera nian maka nafatin a’as-liu iha Timor-Leste laran tomak, Munisipiu tolu Ermera, Dili, Kovalima ho RAEOA maka iha risku bo’ot liu atu populasaun hetan da’et, no hada’et tutan virus SARS-CoV-2, iha komunidadenia le’et.
Governante ne’e hatutan, iha loron 7 Agostu 2021, izolamentu Vera Kruz halo tratamentu ba kazu detetadu nain 22, iha área obstetrisia nain 9, iha medisina interna nain 11, iha sirurjia nain 2, sira nain 9 iha obstetrisia, kategoria leve (mild) hotu, husi sira nain 11 iha medisina interna, 1 kategoria grave (uza ventilador), 3 kategoria moderadu, 7 kategoria leve (mild), no sira nain 2 iha sirurjia, kategoria leve (mild) hotu.
Jornalista : Sandi Belo
Editór : Agapito de Deus
