Lafaek News–Diretor Eskola Ensinu Báziku Filiál Miguir (EBFM), Marcelo dos Santos, rekuinese durante tinan haat ona, hahú husi 2017 to’o ohin loron seidauk utiliza kaderneta eskolar.
“Hanesan diretur Eskola ladun satisfaz tanba tinan haat ona ami seidauk asesu kaderneta eskolar, no estudante sira nia valor ezame priense deit iha sura tahan ne’ebé eskola prepara, depois ami bele entrega ba alunus sira, maibé ladun siguru tanba iha deit surat tahan,” dehan Direktor Eskola EBFM, Marcelo dos Santos ba Jornalista Lafaek news iha nia knaar fatin going lalais ne’e.
Koordenador esplika, durante estudante ezame primeiru periodu to’o treseiru periodu valor hotu-hotu priense deit iha sura tahan, tan ne’e hato’o ona ba Ministeriu Edukasaun Jiuventude no Desportu atu tau prioridade.
“Tinan-tinan ami sempre hato’o ba Ministru Edukasaun katak bainhira mak atu produs estudante sira nia kaderneta, maibé husi parte edukasaun resposta katak produz kaderneta ne’e tenke liu husi tenderizasaun ida mak foin produs,” tenik nia.
Maske nune’e koordenador eskola hamutuk ho sentru plaka esforsu hodi nune’e estudante sira bele asesu kaderneta, to’o ohin loron kaderneta iha ona sentru plaka maibé sedauk bele distribui ba eskola EBFM tanba la sufisiente.
Enkuantu, Eskola Ensinu Báziku Filiál Miguir (EBFM) lokaliza iha aldeia Miguir, suku Aidaba leten, postu-administratviu Atabae, munisipiu Bobonaro, total estudante hamutuk 215, no total professores hamutuk nain 6 kompostu husi mane 5 feto 1.
Jornalista : Joni Mau Risa.
Asisten Editór : Pedro de Almeida
