Lafaek News—Formandu husi Sentru Formasaun Jornalizmu Timor Post (SFJ-TP), nain 15 hahú implementa teoria iha instituisaun media durante fulan ida hodi kontinua hakbi’it kapasidade iha area jornalismu.
Diretora SFJ-TP, no eis diretora Timor Post Santina da Costa Araújo, hatete ohin loron segunda 02/08, fomandu nain 15 hahú ona estájiu iha instituisaun privadu sira hodi implemanta teoria ne’ebé durante aprende no sei remata iha 26/08/2021.
“Objetivu husi estagiu ida ne’e mak oinsa atu aumenta abilidade, koñesimentu formandu sira nian no aplika esperiensia ne’ebé durante sira hetan ona iha formasaun nia laran no oinsá bele prátika fali teoria sira durante fulan rua iha SFJ-TP,” katak Santina da Costa Araújo ba estajiadu, iha edifisiu lafaek news, segunda (02/08/2021).
Iha sorin seluk Diretór Lafaek News, Floriano Soares hato’o agradese ba sentru formasaun jornalizmu Timor Post bele konsidera instituisaun Lafaek News, haruka formandus nain rua mai iha lafaek news atu kontinua aprende no prátika.
“Ami agradese tanba bele fó konfiansa mai iha Lafaek News, hodi kontinua kapasita no kaderniza estagiariu ne’ebé hakarak pratika no dezemvolve teoria sira ne’ebé aprende ona iha Timor-Post,” dehan director lafaek news.
Entretantu, formandu sira ne’ebé ohin hahú estajiu iha media tolu mak hanesan Timor Post nain 11, Buisinis Timor 2 no lafaeknews 2, kompostu husi Agosto Lourdes, Beatriz Baptista Belo, Celestina Falo, Cezarina da Costa, Domingos Maria Martins, Ermelinda Caet, Jaime Salsina D. C. Monteiro, Jasinto Tolo Caet, Josefina Valadares Gama, Mariano dos Santos Abi, Marcelino Tomae, Hermenegildo Bubun, Paulino Cono Falo, Jose Mala, Simão João Mira Fraga.
Estájiadu : Hermenegildo Bubun/Simão João Mira Fraga.
Asisten Editór : Pedro de Almeida
