Lafaek News–Vitima insendiu merkadu Komoro, Joaninha XImenes Freitas, mata-wen sulin tanba ahi han mutuk uma ho nesesidade uma laran ne’ebe kompara ho osan besik $7000.
“Ha’u foti osan iha Moris Rasik hamutuk dollares amerikano rihun ida atus rua ho sasan uma laran hanesan zeleira 6,roupa OB ne’ebe maka duarnte ne’e ami fa’an ne’e maka sasan ne’ebe ha’u hodi buka moris ne’e nein atu salva osan besik $.7000,” Joaninha ba lafaek news iha merkadu Komoro aldeia 03 suku komoro, foin lalais.
Total sasan ne’ebe ahi han iha nia uma ne’e kompara ho osan hetan dollares amerikano rihun hitu resin..
Iha fatin hanesan vitíma insendiú Mariano da Costa Pereira hateten, akontesementu ne’e mosu iha oras 3:00 madrugada, maibe sira la hatene motivu lolos, derepente ahi han haleu iha uma no salva de’it nia isin lolon, uma no sasan seluk hanesan,roupa inklui dokumentos no osan dollares amerikano atus tolu la konsege foti sai, tanba ahi atake maka’as.
“Durante ha’u servisu iha filipina ne’e maka ha’u rai hela osan 300 iha roupa laran falun hamutuk hela maibe la salva ahi han hotu no hela deit osan 100 maka h’au kaer hela maibe ahi han motuk tia ona,ami atu salva maibe ladiak tamba ahi bo’ot los ona entaun ami salva deit maka ami nia isin lolon, ”hateten vitima insendiú Mariano Da costa Pereira ba jornalista
Nia hatutan, husi sasan seluk ne’ebe ahi han hanesan roupa kofre ida,foos saka 2, bikan ho kanuru inklui mos armariu ho tan osan dollares amerikano atus tolu (300) maka hetan estragus husi insendiú ne’e.
“Ha’u halai sai mai ho isin lolon deit tamba ema hakilar dehan ahi han merkado entaun hateke ba uma ahi haleu tona, entaun sasan sira ne’e mos ami labele salva hanesan dokumentos kartaun eleitoral,BI,sertidaun baptismo sertifikado balun no sasan sira seluk,”Tenik nia.
Jornalista : Manuel andrade
Editór : Agapito de Deus
