Lafaek News–Komandante Jerál Polísia Nasionál Timor Leste (PNTL), Komisáriu Faustino da Costa Hatete, durante semana kotuk too loron 26 fulan ne’e PNTL detein sidadaun nain 7 ne’ebe falsifika dokumentus Vasinasaun hodi halo movinentu livre territorial.
“Ha’u atu dehan de’it katak iha semana kotuk flasifika dokumentus ne’e iha oin tolu, flasifikasun ida mak produz karataun ida modelu hanesan BI ilegal, ida mak halo kartaun kinur Vasina falsu nian, no ida mak la vasina uza ema seluk nia kartaun, no ida seluk mak la ba tuir Swab kopi ema seluk nia tau naran,” Komandante Jeral PNTL, Faustino da Costa iha Palasiu presidensial Bairu-Pite kinta 29/07/2021.
Faustino afirma, iha sidadaun sira ne’ebe partisipa iha Vasina nafatin halao ita boot sira nia atividade maibé la bele fasilita fali ema ne’ebé la vasina nia dokumentus hodi halo movimetu.
“Ami kaer ema ne’ebe uza imi nia kartaun no imi nain mos ami detein hotu, kazu ne’e akontese barak,nùmeru fiksa semana ida nia laran iha nain hitu too mia loron 26 nee,” Deklara KOMJER
Komjer ne’e esplika, Orientasaun ne’e laos deit ba postu tama sai iha fronteira, maibe mos iha ermera no munispiu sira hotu aglomerasaun ne’e importante, numero ne’e tun ona labele husu atu aumeta tan.
“Ita tenke konsiente katak moras ne’e risku, iha mos variante foun ne’ebe mak dadaun fo ameasa tebes ba sidadaun sira, fase liman, no uza maskara hodi evita pandemia ida ne’e,”
Komisáriu Jerál PNTL, Faustino da Costa, hatoo kestaun ne’e hafoin remata enkontru ho Xefe Estadu Francisco Guterres Lú Olo iha palasio presidensial kinta, (29/07/2021).
Jornalista : Rita Moniz
Editor : Agapito de Deus
