LafaekNews-Gabinete Apoiu Aktividade Konjúje Prezidente Repúblika,(G-AAKPR) hala’o nia programa hasa’e abilidade negosiante feto sira iha luron-ibun no tasi-ninin, iha área kulinaria no jestaun finansiamentu, hodi bele aumenta liutan koñesementu hodi jere di’ak liutan no sustenta moris loron-loron nian.
Tuir Partisipante Alijina Amsela, ne’ebé mak partisipa treinamentu iha área jestaun finansiamentu sente kontente tebes tanba husi formasaun, bele eleba ona sira nia kapasidade oinsá atu jere finanseiru sai no tama husi negósiu ruma ne’ebé mak hala’o durante loron-loron.
“Treinamentu ida-ne’e bele motiva ami, oinsá mak ami bele hatene osan sai no osan tama. Tanba ne’e liu husi grupu negósiu ne’ebé mak ba oin ami harií, bele eleva ona koñesementu hord Jere finansiamentu ho di’ak,”dehan Alijina amsela Iha Metinaro, Dil i, 28 jullu 2021
Iha fatin hanesan partisipante Ana Espirito Santo, ne’ebé hetan formasaun konaha kulinaria, afirma nia sentimentu kontente, tanba foin ba dahuluk sira hetan formasaun. Tanba ne’e ho fiar metin katak ba oin sei implementa koñesementu ne’ebé mak hetan ona husi fasilitadores.
Ana Esperito comprerete atu kria grupu negosiu, hadi reforma liutan aktividade ne’ebé mak nia hala’o tiha ona antes ne’e, hanesan: faan kioske, homan no faan dose.
“Agora hetan ona formasaun no bele aumenta ona ami-nia koñesementu,” Ana Espirito, hatete.
Programa hanesan, antes ne’e gabinete apoiu aktividade Konjúje hala’o ona iha fatin barak ba negosiante sira iha parte taşı-ninin.
Komunikadu Imprensa husi Midía PR.
