Lafaek News-Koordenadór Forsa Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu ativu iha Timor-Leste hamutuk 656 no Covid-19 foun na’in-6.
“Totál kazu ativu ohin loron 26 fulan Jullu 2021 na’in-656 no kazu detetatu foun na’in-6 (iha Dili 2 munisípiu seluk hamutuk 4) mane 4, feto 2″, dehan nia liu husi komunikadu imprensa, segunda (27/07/2021)
Nia informa, husi totál kazu detetadu foun ohin ho idade entre tinan 12-59 na’in-5 (83,3%) ho idade 60 na’in-1, 16,6% maka sintomátiku (hatudu sintomas), kazu rekuperadu 45, no totál kazu konfirmadu kumulativu iha 26 fulan Jullu 2021 (surahusi 21 Marsu 2020) 10.354.
Nune’e, hahú horiseik mai ohin loron 26 fulan Jullu, hamutuk hotu Laboratóriu Nasionál Saúde halo 262 testes PCR iha Dili, ho detalles.hanesan Vijilánsia sentinela 0, Rastreiu ba kontaktu (Contact tracing) 5, Rastreiu Aleatóriu (Random Screening) 3, Viajen sai husi serka sanitária Munisípiu Dili161, Viajen internasionál 6 no Follow up iha quarentena 87.
Nia dehan, rezultadu testes PCR ne’ebé halo horiseik loron 25 fulan Jullu iha munisípiu sira seluk REAOA ho HNGV, hamutuk 103, ho detalle hanesan, Baukau 52, Ermera 2, Maliana 8, Maubisse 11, RAEOA 0, Suai 9, Vikeke 2 ho HNGV 19.
Jornalista : Sandi Belo
Editór : Agapito de Deus
