Lafaek News–Ministeriu Solidariedade Sosial No inkluzaun (MSSI), halo enkontru ho Parseiru sira hodi ko’alia konaba koordenasaun dezenvolvimentu tanba parseiru sira iha vontade tomak hodi kontribui ba programa prevensaun no rekuperasaun sosial iha rai laran.

“Enkorntru ho parseiru sira ne’e importante tebes tanba MSSI ninia planu ida mak ligadu ba programa protesaun sosial iha Timor Leste ho pilar importante hanesan Kuida saude bazika, prezensa Bem estar no mos siensia sosial,” dehan Ministra MSSI Armanda Berta liu husi dirkursu iha Hotel Timor Kolmera Dili, Kinta 22/07/2021.

Armanda hatutan, haree ba programa protesaun sosial, MSSI aliña ona ba tinan 2021-2025 hodi kontribui atu atinje planu estratejiku dezenvolvimentu husi 2011 too 2030 ho objetivu sustentabilidade no dezenvolvimentu sustentavel.

Berta esplika, MSSI ninia programa iha tinan oin mai husi 2021 too 2025 ita kuaze kobre hotu pilar hirak ne‘ebe ho programa sistema integradu, protesaun sosial ba seguransa sosial, programa asistensia sosial, programa inkluzaun komunitaria, programa direitu ba ema ho difisiensia, programa protesaun direitu labarik, programa kombate HIV-SIDA, Rehabilitasaun nasional no mos programa Boa governasaun no jestaun Dezenvolvimentu.

“Tinan oin 2022 ita prioridade liu ba programa rua mak hanesan programa inkluzaun sosial no programa Boa governasaun, atu atinje programa hirak nee tanba tuir misaun no vizaun,” nia esplika.

Entretantu parseiru ne’ebe partisipa iha enkontru ne’e mak hanesan, UNCDF, UNICEF, ILO, WORLD BANK, UNDP, WFP, UN WOMEN no ADB.

Jornalista    : Orlando Magno

Editor           : Agapito de Deus