Lafaek News—Ministériu Ensinu Superior Siénsia no Kultura (MESSK) Longuinhos dos Santos informa, dezaminasaun kadernu padraun lisensiamentu instituisaun ensinu superior (LIES) ne’e atu regula universidade sira no garante kualidade edukasaun.
“Kadernu ba padraun (LIES) ne’e hetan ona aprovasaun despaisu husi ministérial 90/ GM-MESSK/ romanu II / 2020 ne’ebé hatun regras halo avaliasaun ba proposta LIES foun sira,” dehan MESSK Longuinhos dos Santos ba jornalista sira iha Salaun Ian Martins Infordepe Matadoru, kinta-feira (15/07/2021).
Governante ne’e esplika, kadernu ba padaraun lisensiamentu instituisaun ensinu superior ne’e kria bazea ba rekezitu sira ne’ebé hatur ona iha dekretu lei 8/2010, kona-ba rejime juridiku ensinu supeior nian.
Iha fatin hanesan Reitor Instituisaun Superior Kristal (ISC), Sebastiao Perreira hatutan, lisensiamentu ba instituisaun foun sira ne’e lei despaisu ministerial 90 ba universidade ne’ebé atu loke foun tenki priense rekezitus.
“Ha’u hanoin ne’e inportante tebes liu-liu propriedade rai ne’e mak kriteriu ne’ebé todan liu ba universidade instituisaun ensinu superior sira ne’ebé atu loke foun tanba rai minimu ba universidade ne’e tenki hektares 5,” dehan Reitor ISC.
Jornalista : Sonia de Almeida
Asisten Editór : Pedro de Almeida
