Lafaek News—Ministériu Saúde (MS) rejista tan kazu Covid-19 foun 44 husi munisípiu neen (6), Dili 31, Aileu 3, Baukau 5, Kovalima 1, Ermera 3 inklui RAEOA 1, no total kazu ativu iha izolamentu 901.
“Kazu detetadu foun ohin dia 13 fulan Jullu 2021: 44 (iha Dili 31, Munisípiu seluk hamutuk 13), kazu detetadu foun hirak ne’e mane 28, feto 16, no kazu foun sira ho idade 12:0, ho idade entre 12-59 nain 43 (97,7%), ho idade 60:1, kazu detetadu foun ohin, 4,5% máka sintomátiku (hatudu sintomas),” informa kordenadór forsas tarefas ba prevensaun no mitigasaun surtu Covid-19, Rui Maria de Araújo, husi komunikadu imprensa, tersa (13/07/2021).
Porta voz relata, kazu rekuperadu iha dia 13 de Jullu 2021: 52, no kazu ativu hamutuk 901, no kazu konfirmadu kumulativu iha 13 de Jullu 2021 (sura husi 21 Marsu 2020): 9906.
Rui hatutan, iha loron 13 fulan Jullu 2021, izolamentu Vera-Kruz halo tratamentu ba kazu detetadu nain 13, iha área obstetrisia nain 2, iha medisina interna nain 9, iha sirurjia nain 2, no sira nain 2 iha obstetrisia, kategoria leve (mild) hotu, husi sira nain 9 iha medisina interna, 3 grave uza oksijéniu, nain 2 moderadu, nain 4 leve (mild), sira nain 2 iha sirurjia, kategoria leve (mild) hotu.
Entretantu, situasaun covid-19 iha Timor Leste rejista kazu konfirmdu 9,906, kazu ativu 901, rekuperadu husi virus ne’e 8,980 no mate husi inisiu atake covid-19 too ohin loron hamutuk 25, Iha Indonezia rejista kazu konfirmadu 2,567,630, kazu ativu 380,797, rekuperadu 2,119,478 no mate hamutuk 67,355.
Jornalista : Sandi Belo
Asisten Editór : Pedro de Almeida
