Lafaek News—Asosiaasaun Alumi Departementu Polítika Publika (AADPP) Fakuldade Siénsia Sosiais UNTL apoiu materiál konstrusaun ba familia uma kain 7 ne’ebé afetadu ba dezastre naturais iha loron 4 Abril 2021 aldeia Lemorana suku Dare, postu administrativu Vera-Kruz, munisípiu Dili.
Prezidente AADPP Inocencio de Jesus Xavier, afirma, iha loron 04 abril, assosiasaun mobiliza alumi sira, inklui São Pedro, konsege halibur nesesidade bázika balun hodi apoiu vitima afetadu sira.
“Apoiu ne’ebé iha lakompletu ami so oferese de’it kalen tahan 30, Semente saka 5 ho pregu kilo 3, ba maluk sira,” hatete prezidente AADPP iha Sede Aldeia Lemorana, Suku Dare Sabado 10/07/2021, Depois De entgrega Material Konstrusaun Ba familia dezastre Naturais.
Iha fatin hanesan xefe Aldeia Lemorana, Alice da Costa, hato’o agradese ba prezidente AADPP ho ekipa bele ajuda ona familia afetadu ba dezastre naturais, tanba durante ne’e hetan de’it máka ai-han, roupa no sasan dapur nian.
“Material konstrusaun to’o ohin loron seidauk hetan. Ita boot sira lori mai ajuda sira, atan ha’u xefe aldeia Lemorana agradese tebes ba ita boot sira, maromak sei tulun ita boot sira,” dehan xefe aldeia.
Enkuantu total material konstrusaun ne’ebé entrega ba uma kain 7 iha aldeia Lemorana kalen 210, semente 35, pregu kilu 21, antes ne’e AADPP apoiu uluk ona ba familia dezastre Naturais iha Munisípiu Vikeke, Manatuto, Aileu, Lautem no Díli, orsamentu ne’ebé rekoilla husi alumi sira servisu iha Timor ho Australia ho montante rihun haat atus rua sia-nulu ($4.290).
Jornalista : João da Costa Soares
Asisten Editór : Pedro de Almeida
